11.01.2022

Mamlakatimizda davlatimiz rahbari Shavkat Mirziyoyev tashabbusi bilan  xalq manfaatlariga qaratilgan, yoshlarni madaniyat, san’at, jismoniy tarbiya va sportga keng jalb qilishda, ularning axborot texnologiyalaridan foydalanish ko‘nikmalarini shakllantirishda, kitobxonlikni targ‘ib qilish hamda xotin-qizlar bandligini oshirishda strategik qiymat kasb etayotgan keng qamrovli islohotlar amalga oshirilmoqda. Ushbu islohotlarning mazmun-mohiyatini, Vatanimiz ravnaqi, taraqqiyoti uchun global ahamiyatga ega ekanligini keng jamoatchilikka yetkazish, shuningdek, hozirgi pandemiya sharoitida aholi kayfiyatini ko‘tarish, millatimizga xos bo‘lgan insonparvarlik tuyg‘usining ifodasi sifatida birinchi navbatda aholining ehtiyojmand qatlamlarini qo‘llab-quvvatlash maqsadida yurtimizning barcha tumanlari, shaharlari hamda mahallalarda “Yangi O‘zbekiston – yangicha dunyoqarash” g‘oyasi ostida ma’naviy-ma’rifiy targ‘ibot tadbirlarini yil davomida tashkil etish rejalashtirilgan.Mazkur tadbirlarning yuqori saviyada amalga oshishiga ko‘maklashish maqsadida Buxoro davlat universiteti Xorijiy tillar fakulteti  Tarjimashunoslik va lingvodidaktika kafedrasi profesor-o‘qituvchilari N.F.Qosimova, N.S.Zokirova, D.Sh.Islomov, N.N.Salixova, G.T.Eshonqulova, M.I.Muxtorova, M.N.Achilov, A.A.Fayziyevalardan tashkil topgan 3 nafar ishchi guruh Buxoro shahridagi “B.Naqshband” MFY,  “Avshormaxalla” MFY, “M.Tarobiy” MFYlariga tashrif buyurib, mahalla raislari bilan hamkorlikda hudud aholisining ijtimoiy-iqtisodiy ahvoli, «Temir daftar»,  «Ayollar daftari» va «Yoshlar daftari»ga kiritilgan aholi qatlami, hududda faoliyat yuritayotgan 35-son umumta’lim maktabi, 123-son maktab-internati binolarida madaniy-ma’rifiy tadbirlar, targ‘ibot tadbirlari, sport musobaqalarini tashkil etish uchun mavjud bo‘lgan imkoniyatlarni tahliliy yondashuv asosida o‘rgandilar. Olingan ma’lumotlarga asoslangan holda tegishli sharoitlarning yaratilishiga amaliy yordam ko‘rsatish chora-tadbirlarini belgilab, mahalliy aholi o‘rtasida mehr-oqibat, shukronalik kabi umuminsoniy qadriyatlarni saqlab qolishga va yanada kuchaytirishga, sog‘lom turmush tarzini targ‘ib qilishga yo‘naltirilgan mazkur ma’naviy, madaniy-ma’rifiy tadbirlarni tashkil etishning keyingi bosqichlarida ham o‘z hissalarini qo‘shishga tayyor ekanliklarini bildirdilar.BuxDU Matbuot xizmati