11.01.2022

2020-yilning 26-avgust kuni Buxoro davlat universitetida O'zbekiston Respublikasi Davlat stipendiyalari tanlovining Axborot texnologiyalari, O'zbekiston tarixi, Chet (ingliz, fransuz, nemis) tili fanlaridan test sinovlari bo'lib o'tdi. Unda 22 nafar hujjat topshirgan BuxDU talabalari ishtirok etishdi. Testga qatnashuvchilarning harorati o'lchanilib dezenfeksion tunnelari orqali test sinovi o'tkaziladigan binoga kiritildi. Test sinovlari jarayonini Buxoro davlat universiteti ilmiy ishlar va innovatsiyalar bo'yicha prorektori O.S. Qahhorov ochib berdi. Test sinovlari barcha karantin va sanitariya qoidalariga rioya qilingan holda o'tkazildi. Shuningdek, test sinovlari o'tkaziladigan bino kuzatuv kameralari bilan jihozlangan. Beruniy, Ibn Sino, Navoiy, Ulug‘bek va Imom al-Buxoriy nomidagi davlat stipendiyalari O‘zbekiston Respublikasi davlat oliy ta’lim muassasalarining bakalavriat bo‘yicha o‘qiyotgan oxirgi ikki kurs talabalariga tayinlanadi. O‘zbekiston Respublikasi Oliy va o‘rta maxsus ta’lim vazirligi O‘zbekiston Respublikasi davlat oliy ta’lim muassasalari bo‘yicha nomli stipendiyalarni taqsimlashni ta’lim ixtisosiga va talabalar soniga muvofiq amalga oshiradi.Stipendiyalarni tayinlash uchun quyidagi mezonlarni bajarish belgilanadi:Stipendiyalar 1 sentyabrdan boshlab, bir yil muddatga, belgilangan miqdorga qat’iy muvofiq holda tayinlanadi. Stipendiyalarni yangi muddatga qaytadan tayinlash ham aynan shu tartibda amalga oshiriladi.Nomli davlat stipendiyalariga sazovor bo‘lgan talabalar bakalavriatni tugatganidan so‘ng bir yil mobaynida, tegishli mutaxassislik bo‘yicha magistraturaga kirish imtihonlarisiz, grant asosida qabul qilinadilar. Buxoro davlat universiteti Matbuot xizmati