Maxsus imkoniyatlar

Comic

calendar 12.11.2026

Kibermadaniyatni yuksaltirish va kibergigiyenani shakllantirish oyligi doirasida targ‘ibot komikslari tayyorlandi

Buxoro davlat universitetida “Kibermadaniyatni yuksaltirish va kibergigiyenani shakllantirish” oyligi doirasida talaba-yoshlarning kiberxavfsizlik bo‘yicha bilim va ko‘nikmalarini oshirish, internet tarmog‘idan xavfsiz foydalanish madaniyatini shakllantirish maqsadida 5 qismdan iborat targ‘ibot komikslari tayyorlandi.

Mazkur komikslarda kundalik hayotda uchraydigan kibertahdidlar va ulardan himoyalanishning muhim qoidalari sodda hamda tushunarli tasvirlar orqali yoritilgan.

Komikslarning asosiy mavzulari:

  1. Shubhali havolalarni bosmang! — Noma’lum manbalardan yuborilgan havolalarni ochmaslik va ularning ishonchliligini tekshirish.

  2. Noma’lum raqamlarga ishonmang! — Telefon orqali shaxsiy ma’lumotlar, bank kartasi rekvizitlari va maxfiy kodlarni begona shaxslarga oshkor qilmaslik.

  3. Noma’lum manbalardan .apk fayllarni yuklamang! — Zararli dasturlardan himoyalanish hamda mobil ilovalarni faqat ishonchli manbalardan o‘rnatish.

  4. Kuchli parol yarating! — Shaxsiy akkauntlarni himoyalash uchun murakkab va ishonchli parollardan foydalanish.

  5. Ikki bosqichli himoyani yoqing! — Ijtimoiy tarmoqlar va boshqa elektron hisoblarning xavfsizligini oshirish uchun qo‘shimcha autentifikatsiya vositalaridan foydalanish.

Ushbu targ‘ibot materiallari talaba-yoshlar, professor-o‘qituvchilar hamda universitet xodimlarining kibermadaniyatini yuksaltirish, kiberfiribgarlik holatlarining oldini olish va raqamli muhitda xavfsiz faoliyat yuritish ko‘nikmalarini mustahkamlashga qaratilgan.

Unutmang, kiberxavfsizlik har birimizning ogohligimizdan boshlanadi!

#KibermadaniyatOyligi2026