09.07.2026

BuxDUda "Dolzarb 90 kun" doirasida yozgi sport to‘garaklari o‘tkazilmoqda

3-iyul kuni Buxoro davlat universitetida "Dolzarb 90 kun" loyihasi doirasida talaba va o‘quvchi-yoshlarning bo‘sh vaqtini mazmunli tashkil etish maqsadida basketbol sport to‘garagining navbatdagi mashg‘ulotlari bo‘lib o‘tdi.

Universitetning Sport faoliyati kafedrasi o‘qituvchilari tomonidan tashkil etilgan ushbu mashg‘ulotlarda yoshlarning jismoniy tayyorgarligini oshirish va sog‘lom turmush tarzini targ‘ib qilishga alohida e’tibor qaratildi. To‘garak mashg‘ulotlari nafaqat sport mahoratini oshirish, balki yoshlar o‘rtasida do‘stlik va jamoaviy birdamlik tuyg‘ularini mustahkamlashga ham xizmat qilmoqda.
BuxDUda yozgi ta’til davrida yoshlarni ommaviy sportga jalb etishga qaratilgan bunday mashg‘ulotlar tizimli ravishda davom ettirilmoqda. Bu kabi tashabbuslar o‘sib kelayotgan avlodning jismonan yetuk va sog‘lom bo‘lib kamol topishida muhim ahamiyat kasb etadi.