21.05.2026

BuxDUda "Sport kuni": Professor-o‘qituvchilar va talabalar maydonlarda jam bo‘lishdi

Buxoro davlat universitetida haftalik “Sport kuni” doirasida professor-o‘qituvchilar va talabalar ishtirokida keng ko‘lamli sport musobaqalari tashkil etildi. Prezident Shavkat Mirziyoyev tomonidan ilgari surilgan davlat idoralarida haftada bir kunni “Sport kuni” deb e’lon qilish tashabbusi ijrosi doirasida Tarix va yuridik hamda Filologiya fakultetlari jamoalari faol ishtirok etishdi. Xususan, Ijtimoiy-siyosiy fanlar kafedrasi hamda Rus tili va adabiyoti kafedrasi professor-o‘qituvchilari o‘zaro jamoaviy sport mashg‘ulotlari bilan shug‘ullandilar.
 

Universitetning bosh binosi foyesida shaxmat bo‘yicha qizg‘in bahslar o‘tkazilgan bo‘lsa, sport maydonlarida voleybol, basketbol, tennis, futbol va qo‘l to‘pi (handball) bo‘yicha musobaqalar bo‘lib o‘tdi. Unda dotsent L.Sidorkova, professor Z.Jo‘rayeva, o‘qituvchilar G.Isayeva, I.Koziyeva, V.Gudzina, N.Shermuhamedova va F.Murtazayeva kabi pedagoglar talabalar bilan birgalikda sog‘lom turmush tarzini namoyon etdilar. Mazkur sport tadbirlari jamoada ijobiy muhitni mustahkamlash, jismoniy faollikni oshirish va ustoz-shogird an’analarini yangi bosqichga olib chiqishga xizmat qildi.