“Xalq bilan muloqot va inson manfaatlari” yili va O'zbekiston Respublikasi Prezidentining 2014 yil 6 fevraldagi 2124-sonli Qaroriga muvofiq “O'zbekiston Respublikasida yoshlarga oid davlat siyosatini amalga oshirishga qaratilgan qo'shimcha chora-tadbirlar” Dasturi ijrosini ta'minlash, hamda talaba yoshlarning bo'sh vaqtini unumli o'tkazish, sog'lom turmush tarzini targ'ib qilish maqsadida 2017 yil 11-13 aprel kunlari Buxoro davlat universiteti Fizika-matematika fakultetining ma'naviy-ma'rifiy ishlar rejasiga asosan Universitet “Kamolot” YoIH bilan hamkorlikda fakultet talabalar o'rtasida “Mini futbol-2017” turniri o'tkazildi. Fakultet ma'naviy-ma'rifiy ishlari bo'yicha dekan muovini J.Z.Nuriddinov, kasaba uyushma raisi B.B.Qobilov, Matematika kafedrasi katta o'qituvchisi S.S.Xudayarov va barcha guruh sardorlari ishtirokida turnir dasturi va o'yin qoidarini ishlab chiqildi, hamda tasdiqlandi. Turnirda jami bo'lib 12 ta jamoa ishtirok etish istagida ariza berdilar. Qur'a tashlash yo'li bilan jamoalar ikki guruhga ajratildi.11- aprel kuni fakultet dekani prof. Sh.M.Mirzayev turnirni ochiq deb e'lon qildi. Jamoalarga omad tilab turnirga start berildi.Turnirning dastlabki ikki kunida guruh bosqichi o'yinlari o'tkazildi. Har bir guruhdan birinchi va ikkinchi o'rinlarni egallagan jamolar yarim final yo'llanmasini qo'lga kiritdilar. Uchinchi kuni turnirning yarim final va final bosqichlari o'tkazildi. Turnir natijalariga ko'ra Matematika ta'lim yo'nalishi 4-bosqich talabalari 1-o'rinni, Matematika ta'lim yo'nalishi 1-bosqich talabalari 2-o'rinni, Kasb ta'limi (informatika va axborot texnologiyalari) ta'lim yo'nalishi 4-bosqich talabalari 3-o'rinni egalladi.Turnirning yopilish marosimida fakultet dekani prof. Sh.M.Mirzayev fakultet jamoasi va talabalariga turnirdagi faol ishtiroki uchun minnatdorchilik bildirib, g'olib jamoalarni faxriy yorliq va qimmatbaho sovg'alar bilan taqdirladi. Fakultet kubogi Matematika ta'lim yo'nalishi 4-bosqich talabalari jamoasiga topshirildi.
