28.04.2026

BuxDUda salomatlik va birdamlik marafoni: "Salomatlik uchun 5000 qadam!"

Bugun, 28-aprel kuni erta tongdan Buxoro davlat universitetida ommaviy yurish marafoni o‘tkazildi.

Sog‘lom turmush tarzini keng targ‘ib qilish hamda "Sog‘lom inson — sog‘lom millat" g‘oyasini umummilliy harakatga aylantirish maqsadida tashkil etilgan ushbu tadbirda universitet jamoasi — professor-o‘qituvchilar, ishchi-xodimlar hamda talaba-yoshlar faol ishtirok etishdi.

Universitetning asosiy binosi oldidan start olgan marafonda ishtirokchilar belgilangan masofani ko‘tarinki ruhda bosib o‘tdilar. Mazkur tadbir nafaqat jismoniy salomatlikni mustahkamlashga, balki jamoada ahillik va vatanparvarlik tuyg‘ularini yanada yuksaltirishga xizmat qildi.
Eslatib o‘tamiz, mamlakatimizda aholi salomatligini asrash va ommaviy sportni rivojlantirish borasida amalga oshirilayotgan islohotlar doirasida BuxDUda ham tizimli ravishda sport tadbirlari va sog‘lomlashtirish aksiyalari o‘tkazib kelinmoqda.