2021 yilning 8-yanvar kuni Buxoro davlat universitetida BuxDU huzuridagi falsafa fanlari doktori (PhD) ilmiy darajasini beruvchi ilmiy kengashlar raislari va kotiblari bilan navbatdagi yig'ilish bo'lib o'tdi. Yig'ilishni BuxDU ilmiy ishlar va innovatsiyalar bo'yicha prorektori O.S.Qahhorov ochib berdi. Ushbu yig'ilishda BuxDU xodimlar va talabalar kasaba uyushmasi qo'mitasi raisi pedagogika fanlari doktori, professor S.Q.Qahhorov, BuxDU O'zbek tilshunosligi kafedrasi professori, filologiya fanlari doktori M.K.Abuzalova, BuxDU Psixologiya kafedrasi mudiri, psixologiya fanlari doktori, professor Sh.R.Barotov, BuxDU Milliy g'oya, ma'naviyat asoslari va huquq ta`limi kafedrasi professori, tarix fanlari doktori S.I.Inoyatov, BuxDU Islom tarixi va manbashunosligi, falsafa kafedrasi professori, falsafa fanlari doktori G.N.Navruzova, BuxDU Kimyo kafedrasi professori, kimyo fanlari doktori B.B.Umarov, BuxDU O'zbek adabiyoti professori, filologiya fanlari doktori, D.S.Uraeva, BuxDU ekologiya va geografiya kafedrasi professori, biologiya fanlari doktori A.E.Xolliyev, BuxDU Jahon tarixi kafedrasi professori, tarix fanlari doktori Sh.A.Haitov, BuxDU Iqtisodiyot va turizm fakulteti Servis sohasi iqtisodiyoti kafedrasi professori, iqtisodiyot fanlari doktori B.N.Navruz-zoda, BuxDU Islom tarixi va manbashunosligi, falsafa kafedrasi professori, falsafa fanlari doktori H.Y.Salomova, Filologiya fakulteti dekani D.Rajabov, Fizika-matematika fakulteti dekani H.Jo'rayev, Ilmiy-tadqiqot, innovatsiyalar va ilmiy pedagog kadrlarni tayyorlash bo‘limi boshlig'i G.T.Zaripov, Ilmiy kengashlar kotibi A.A.Ikromov, Milliy g’oya, ma’naviyat asoslari va huquq ta’limi kafedrasi mudiri, falsafa doktori (PhD) F.D.Muzaffarov, Xorijiy tillar fakulteti dekani M.Jo'rayeva, Pedagogika fakulteti dekani E.Muxtorov hamda Ilmiy kengashlar kotiblari qatnashdilar. Yig‘ilishda bugun yurtimizda kechayotgan islohotlar, jumladan raqamli iqtisodiyot va elektron hukumatni keng joriy etish borasidagi sa’y-harakatlarga muvofiq tarzda oliy malakali ilmiy va ilmiy-pedagog kadrlarni attestasiyadan o‘tkazish jarayoni ham bosqichma-bosqich raqamlashtirilganligi, ayni paytda OAK faoliyatida 7 ta axborot tizimi amaliyotga joriy etilgan bo‘lib, Toshkent axborot texnologiyalari universiteti bilan hamkorlikda yana 5 ta (“Korporativ elektron hujjatlar aylanish kompleks-tahliliy axborot tizimi”, “Dissertasiyalar jamoaviy elektron ekspertizasi axborot tizimi”, “Ilmiy darajalar kompleks-tahliliy axborot tizimi”, “Ilmiy unvonlar kompleks-tahliliy axborot tizimi”, “Ilmiy darajalar beruvchi ilmiy kengashlar yagona portali”) axborot tizimi ishlab chiqilganligi va hozirda tizimlar test rejimida sinovdan o‘tkazilgani haqida gapirildi.BuxDU Matbuot xizmati
