Joriy yilning 27-noyabr kuni Buxoro davlat universiteti huzuridagi ilmiy darajalar beruvchi PhD.03/27.02.2020.Fil.72.09 raqamli ilmiy kengash qoshidagi bir martalik ilmiy seminarda Navoiy davlat pedagogika instituti mustaqil izlanuvchisi Isroilova Ruxshona Sunnatovnaning 13.00.02 – Ta’lim va tarbiya nazariyasi va metodikasi (o‘zbek tili) ixtisosligida «Boshlang‘ich sinf ona tili darslarini loyihalash jarayonida o‘quvchilarni faollashtirish texnologiyasi» mavzusidagi pedagogika fanlari bo‘yicha falsafa doktori (PhD) ilmiy darajasini olish uchun tayyorlagan dissertasiya ishining onlayn va oflayn muhokamasi bo‘lib o‘tdi.Muhokamada tadqiqotchi tomonidan boshlang‘ich sinf ona tili darslarini loyihalash jarayonida o‘quvchilarni faollashtirish texnologiyasini innovasion yondashuvlar va pedagogik tamoyillar asosida rivojlantirish, ona tili darslarida o‘quvchilarni ijodiy faollashtirish texnologiyasini, o‘qituvchi va o‘quvchi hamkorligi asosida integrasiyalashni takomillashtirish hamda boshlang‘ich sinf ona tili darslarini loyihalash jarayonida o‘quvchilarni faollashtirish texnologiyasiga oid interfaol metodlar asosida metodik tavsiyalar ishlab chiqilganligi haqida ilmiy ma’lumotlar berildi. Seminar jarayonida berilgan savol va takliflar, rasmiy va norasmiy taqrizchilar chiqishlari keng muhokama qilindi. Muhokama muvaffaqiyatli o‘tdi. Tadqiqotchining keyingi ilmiy izlanishlariga omad tilab qolamiz!BuxDU Matbuot xizmati
