Joriy yilning 14 sentyabr kuni ilk ilmiy seminar o‘tkazildi. Unda BuxDU ingliz adabiyoti kafedrasi tadqiqotchisi Ahmedova Mehrinigor Bahodirovna “O‘zbek tilidagi «ma’naviyat» va ingliz tilidagi «spirituality» umumiy semali atov birliklari tipologiyasi” mavzusida hamda Raxmatova Mexriniso Musinovna ”Ingliz, o‘zbek va tojik milliy madaniyatida “go‘zallik” konseptining lisoniy xususiyatlari” mavzusida 10.00.06 – Qiyosiy adabiyotshunoslik, chog‘ishtirma tilshunoslik va tarjimashunoslik ixtisosligida filologiya fanlari bo‘yicha falsafa doktori ilmiy darajasini olish uchun yozgan dissertatsiyalari muhokamasi bo‘lib o‘tdi. Seminar ko‘tarinki ruhda tashkil qilindi.Shuningdek, savol-javoblar va bahs-munozaralarga boy bo‘lgan mazkur seminarda har ikkala tadqiqotchining ishlari Ilmiy seminar a’zolari tomonidan Ilmiy kengash muhokamasiga tavsiya etildi, har ikkala tadqiqotchilarni tabriklab, yutuqlari bardavom bo‘lishini tilab qolamiz.Ilmiy seminarning 23 nafar a’zosidan 22 nafari seminarda ishtirok etdi. Seminarda ishtirok etgan BuxDU Ilmiy-ishlar va iinnovatsiyalar bo‘yicha prorektor O.S.Qahhorov yig‘ilganlarni seminarning dastlabki ishi bilan tabrikladi va keyingi ishlarida muvaffaqiyat tiladi.
