Turizm va mehmonxona xo‘jaligi kafedrasi

Kafedra haqida
Turizm va mehmonxona xo‘jaligi kafedrasining tarixi 
2011 yildan faoliyat yurita boshlagan “Iqtisodiy ta’lim va turizm” kafedrasi bilan bog‘liq. Kafedra 2015 yil 1 maydan “Turizm” deb qayta nomlandi va shu nom bilan 2019 yilga qadar o’z faoliyatini davom ettirdi.  BuxDU rektorining 2019-yil 14-maydagi 476-U sonli buyrug’iga asosan “Turizm” kafedrasi 2 ta “Servis sohasi iqtisodiyoti” hamda “Turizm va mehmonxona xo’jaligi” kafedralariga bo’lindi. Xozirgi kunda “Turizm va mehmonxona xo’jaligi” kafedra a’zolari 35 nafarni tashkil etadi, 27 nafari  to’liq  hissada ishlaydi. Kafedraning ilmiy salohiyati 28%ni tashkil qilib, bir nafar i.f.d., 2 nafar fan nomzodiga, jumladan bir nafar dotsent, bir nafar professor  ilmiy unvoniga ega. Kafedraning o’rtacha yoshi - 33.
Kafedrani quyidagi mudirlar boshqargan:
2011-2012 yillarda i.f.n., dotsent Tadjieva Sayeraxon Uralovna,
2012-2018 yillarda i.f.n., dotsent Xamroev Xalim Roziqovich,
2018-2021 yillarda i.f.n., dotsent Tadjiyeva Sayyora Uralovna,
2019-2020 yillarda i.f.n. Ro‘ziyev Sobirjon Samatovich,
2020-2022 yillarda i.f.f.d. Nurov Ziyodulla Saymurodovich
2022 yildan hozirgi kunga qadar i.f.d., DcS, Ibragimov Nutfillo Salimovich kafedraga rahbarlik qilib kelmoqda. 
Tayyorlanadigan bakalavriat yo`nalishlari
-61010400 (2020 yilga qadar 5610300)– Turizm (faoliyat yo‘nalishlari bo‘yicha)
-61010100 (2020 yilga qadar 5610200) – Mehmonxona xo‘jaligini tashkil etish va boshqarish.
Tayyorlanadigan magistratura mutaxassisliklari
- 71010401 (2020 yilga qadar 5A610301) – Turizm (faoliyat turlari bo‘yicha)
-  71010403 – Turizm (ziyorat turizmi)
Kafedraning ilmiy-tadqiqot faoliyati
- Kafedrada ixtisosliklar bo‘yicha tayanch doktorantura va doktorantura mavjud emas.
Kafedra ilmiy yo`nalishlari
-mintaqaviy turizm,
-raqamli turizm,
-turizmda transport xizmatlari,
-xalqaro turizm,
-turistik erkin iqtisodiy hududlar,
-turistik hudud raqobatbardoshligi,
-madaniy turizm,
- ziyorat turizmi.
Kafedrada o`qitiladigan fanlar
1.Raqamli turizm 
2.Turizm va mehmondorchilik asoslari 
3.Mehmonxona xizmatlarini tashkil etish
4.Turizmda ish yuritish
5.Turizm geografiyasi
6.Mehmonxona xo‘jaligi menejmenti
7.Mehmonxona xo‘jaligida innovatsiya
8.Restoran biznesi asoslari
9.Mehmonxonada kasbiy etiket
10.Turizmda transport xizmatlari
11.Mehmonxona xo‘jaligi marketing
12.Mehmonxona xo‘jaligini tashkil etish
13.Turizm va mehmonxona xo'jaligi iqtisodiyoti
14.Mehmonxona xo‘jaligida faoliyat tahlili
15.Mehmonxona xo‘jaligida bronlash tizimlari 
16.Mehmonxona xo'jaligida xodimlarni boshqarish 
17.Turizmda tadqiqot usullari va ko‘nikmalari 
18.Jahon mehmondo'stlik sanoati 
19.Mehmondorchilik va turizm tarixi 
20.Gid-ekskursiya xizmatini tashkil etish 
21.Ekskursiya xizmatlarini tashkil etish va boshqarish 
22.Xalqaro turizm 
23.Mintaqaviy turizm 
24.Mehmonxonada brending 
25.Mehmonxona xo’jaligida reklama faoliyatini tashkil etish 
26.Mehmonxona xo'jaligida standartlashtirish va sertifikatlashtirish 
27.Mehmonxona xizmatlari sifatini standartlashtirish va boshqarish 
28.Turopereyting 
29.Mehmonxona interyeri va dizayni 
30.Mehmonxona xo'jaligida xizmatlar sifatini boshqarish 
31.Turizmda invistitsion faoliyatini boshqarish

1. Ingliz tilida dars jarayonlari tashkil etilishi

2023 yilda kafedrada nashr etilgan o‘quv adabiyotlari, o‘quv qo‘llanma, elektron darslik, uslubiy qo‘llanmalar

3.Kafedraning xalqaro hamkorligi
Turizm va mehmonxona xo‘jaligi kafedrasi dotsenti, i.f.n. A.T. Jo‘raev va kafedra mudir Z.S. Nurovlar 2019-2021 yillarga mo’ljallangan Erasmus+ TALANT loyihasida Yevropa Ittifoqi (YI) ning Belgiya, Germaniya, Gretsiya va Bolgariyadagi universitetlari murabbiyligida Qozog‘iston, Qirg‘iziston va O’zbekistondagi oltita universitet vakillari bilan hamkorlikda Markaziy Osiyo (MO) mintaqasi ijtimoiy-iqtisodiy muammolari va o‘ziga xos xususiyatlariga mos IRM bo‘yicha magistratura dasturini ishlab chiqishda faol ishtirok etib kelmoqda.
Turizm va mehmonxona xo‘jaligi kafedrasi dotsenti, i.f.n. A.T. Jo‘raev va kafedra mudir Z.S. Nurovlar Latviya hayot fanlari va texnologiyalari universiteti, Vytautas Magnus universiteti (Litva), JAMK amaliy fanlar universiteti (Finlyandiya), Toshkent davlat agrar universiteti, Toshkent davlat agrar universitetining Samarqand filiali, Toshkent irrigatsiya va qishloq xo'jaligini mexanizatsiyalash muhandislari instituti, O'zbekiston Respublikasi Qishloq xo'jaligi vazirligi hamkorligida amalga oshirilayotgan ERASMUS+ Bioiqtisodiyot magistratura mutaxassisligini tashkil etish bo‘yicha 2021-2024 yillarga mo‘ljallangan xalqaro loyihada faol ishtirok etib kelishmoqda.
Ziyodulla Nurov Italiyaning yetakchi iqtisodchi olimlaridan tashkil topgan ixtisoslashgan kengashda o‘z dissertasiyasini muvaffaqiyatli himoya qildi va iqtisodiyot bo‘yicha PhD ilmiy darajasiga loyiq deb topildi. Z.S.Nurov Erasmus akademik mobillik dasturi doirasida Italiyaning Akvilla universitetiga (Times reytingida 501-600 guruhida) ilmiy safarga yuborilib, uning ilmiy izlanishlari italiyalik olimlarda qiziqish uyg‘otganligi sababli, uning PhD dissertasiyasi uchun qo‘sh rahbarlikni amalga oshirish taklif qilingan edi. Imzolangan kelishuv asosida dissertasiyaga Akvilla universitetidan professor Luidji Bidjiyero, Buxoro davlat universitetidan Abror Jo‘rayevlar ilmiy rahbar sifatida tayinlandi.
Bundan tashqari professor-o‘qituvchilarimizdan Davronov.I.O, Toyirova.S.A Ruminiya davlatida Iasi shahridagi Alexandrau Ioan Cuza, Farmonov.E.O, Radjabov O.O, Dushanova.Y. F Italiyaning Padoa shahridagi Padoa university yetakchi universitetlarida tahsil olib kelishdi.       
Kafedramiz katta o‘qituvchisi Djafarova Nigina Alisherovna esa Janubiy Koreyaning Pusan milliy universitetida doktoranturada o‘qish uchun 4 yillik grant sohibiga aylandi va hozirda o‘qishini Koreyada davom ettirmoqda. Bozorova Sitora Kadirovna Turkiyaning Anadolu universitetiga “Turk Burslari” granti asosida PHD bosqichiga qabul qilindi va hozirda Turkiyada o‘qishini davom ettirmoqda. Radjabov Odil Olimovich Ispaniyaning Valensiya Politexnika universitetida 2-bosqich doktoranti, Toyirova Sarvinoz Atoyevna Ispaniyaning Valensiya Politexnika universitetining “Business administration and management” yo’nalishi bo’yicha PHD dasturiga qabul qilindi. 
Kafedra o‘qituvchisi Muhriddin Qilichov Ispaniyaning Valensiya universiteti 3-bosqich doktoranti bo‘lish bilan bir qatorda, 2021 yilning avgust-noyabr oylarida AQSHning Alabama universitetida 4 oylik stajirovkada bo‘lib qaytdi. Shuningdek, Muhriddin Qilichov boshchiligida kafeAdra a’zolari AQSH elchixonasining “Hamkorlikda onlayn xalqaro ta’lim” (Collaborative Online International Learning - COIL) ta’lim dasturida ishtirok etib O’zbekiston OTMlardan tushgan jami 235 arizalar ichidan saralab olingan 4 tadan biri bo‘ldi.
Turizm va mehmonxona xo‘jaligi kafedrasi a’zolari Ziyodulla Nurov Italiyaning Akvila universitetida 05.09.2019-25.12.2019 davrda va Muhriddin Qilichov Italiyaning Valensiya universitetida 01.11.2019-27.12.2019 muddatda “El-Yurt Umidi” jamg‘armasi tomonidan chet elda malaka oshirish, stajirovka o‘tash va magistratura va PhD dasturlari asosida ta’lim olishga yuborish bo‘yicha o‘tkazilgan tanlovda qatnashib, stajirovkada bo‘lib qaytishdi.
Kafedra dotsenti Abror Jo‘rayev 2021 yil dekabr oyida Rossiya Federatsiyasining Kazan Federal universiteti va Janubiy Federal universitetida ilmiy-uslubiy stajirovka o‘tib qaytdi. 
Bundan tashqari, kafedra o’qituvchisi Dushanova Yulduz Faxriddinovna Germaniya hamkorlik jamiyati (GIZ) ning “Professional Education and Vocational Training in Central Asia” (PECA) dasturida doirasida joriy yilning 2022 yil 28-30-mart kunlari Turkiya Respublikasi Istanbul shaxrida stajirovka o’tadi.
2020-2022 yillari davomida Buxoro davlat universiteti va xalqaro reyting indikatorlarida kuchli mingtalikka kiruvchi  universitetlari bilan ilmiy- pedagogik aloqalarni mustahkamlash maqsadida “Turizm va mehmonxona xo‘jaligi” kafedrasi fanlari bo‘yicha ma’ruza va amaliy darslar o‘tkazib kelinmoqda.
AIshlab chiqaruvchilar bilan aloqalar
O‘zbekiston Respublikasi Turizmni Rivojlantirish Davlat Qo‘mitasi, O‘zbekiston Respublikasi  Davlat Statistika Qo‘mitasi bilan hamkorlikda kafedramiz professor-o‘qituvchilari va talabalari 2019 yilning 18-19 aprel kunlari mintaqaviy turizm statistikasini shakllantirish maqsadida dala marketing tadqiqotlarini o‘tkazdilar;
2019-2022 yillar kafedra mehmonxonalar administratorlarining malakasini oshirish maqsadida o‘quv-seminar kurslari o‘tkazib kelinmoqda. Buxoro shahridagi yetakchi mehmonxona va restoranlar bilan mustahkam aloqa o‘rnatilgan.
Kafedra professor-o‘qituvchilari Buxoro viloyati hokimligi buyurtmasiga asosan “Bukhara-sity” investitsion loyihasini ishlab chiqish bo‘yicha ishchi-guruh faoliyatida ishtirok etdilar.
Turizm va mehmoxona sohasida faoliyat ko‘rsatuvchi tadbirkorlik sub’yektlari, jumladan “MIRACLE TRAVEL” MCHJ, “MAROSIM TRAVEL” MCHJ, “BUXORO MALIKASI” QK MCHJ da marketing tadqiqotlari o‘tkazish va xizmat sifatini oshirish borasida hamkorlik ishlari amalga oshirilgan.
4.Sohalar buyurtmalari asosida o‘tkaziladigan tadqiqotlar rejasi:
 Buxoro viloyati Turizm va sport bosh boshqarmasi bilan hamkorlikda viloyatda faoliyat olib borayotgan mehmonxonalar va mehmon uylari xodimlari uchun 2022 yilning mart-may oylarida malaka oshirish kurslari tashkil etish rejlashtirilgan. Unda kafedraning malakali professor-o‘qituvchilari o‘z mashg‘ulotlarini olib borishadi.
Shuningdek, kafedra huzurida tashkil etilgan Turizm Ta’limi va Tadqiqotlari Markazida quyidagi xizmatlarni tashkil etish rejalashtirilgan:
1.Turizm, ta’lim va biznes sohasi vakillari uchun ingliz tili kursi
2.Turizm, ta’lim va biznes sohasi vakillari uchun koreys tili kursi
3.Talaba yoshlarning Work and Travel dasturi doirasida rejalashtirayotgan faoliyatlarini rasmiylashtirish.
4.Mahalliy turistlarga xizmat ko‘rsatish.
5.Gidlik xizmati ko‘rsatish.

5.Hisobot.