Kafedra malakali kadrlar tayyorlash bo‘yicha yuqori darajadagi ilmiy – texnologik salohiyatga ega. Kafedrada jami 30 nafar pedagog-xodimlar faoliyat ko‘rsatadi. Asosiy shtatda faoliyat ko‘rsatayotgan pedagog-xodimlarning 17 nafari ilmiy darajaga ega xodimlardir. Shulardan, 4 nafari filologiya fanlari doktori, 13 nafari esa filologiya fanlari bo‘yicha falsafa doktori (PhD) hisoblanadi. Kafedraning ilmiy salohiyati 57% foizni tashkil etadi.
Hozirgi paytda kafedrada 32 nafar tayanch doktorant, 22 nafar mustaqil izlanuvchi faoliyat olib bormoqda. Shulardan 3 –bosqich tayanch doktoranti M.T.Po‘latova 2025-yil O‘zbekiston Respublikasi Prezident Davlat stipendiyasi sovrindori bo`ldi. Ushbu mustaqil izlanuvchi va tayanch doktorantlarning 8 nafari mazkur yilda dissertatsiya himoyalarini o’tkazishni rejalashtirgan.
2025-yilda kompleks rivojlantirish chora-tadbirlar dasturi bo‘yicha fakultet va kafedralar tomonidan amalga oshiriladigan ishlar rejasi ishlab chiqilgan. Shundan xorijiy mutaxassis va pedagog xodimlarni jalb qilish va xorijiy OTMlar bilan hamkorlik ishlarini olib borish maqsadida kafedra tomonidan 10 ga yaqin hamkor oliygohlar va ilmiy-tadqiqot markazlari bilan muzokaralar olib borilmoqda hamda mehnat shartnomalari rasmiylashtirilmoqda. 2024-2025 o’quv yilida kafedraga AQShdan ingliz tili mutaxassisi Gabrille Klema tashrif buyurgan va kafedrada faoliyat olib bormoqda.
Xorijiy davlatlarda e’lon qilingan grant va tanlovlarni universitetning rasmiy veb-sahifasida yoritib borish va samaradorligini oshirish maqsadida xorijiy (ingliz, nemis, fransuz, xitoy va arab) tillarda ma’lumotlar bazasi kafedra dotsenti Axmedova Mehrinigor Bahadirovna tomonidan amalga oshirilgan.
Ta’limga yo‘naltirilgan xalqaro grantlar doirasida 100 nafar talabalarning xorijiy oliygohlarda o‘qish va amaliyot o‘tashini, yozgi maktabni yo‘lga qo‘yish bo‘yicha kafedra “Struktural lingvistik tadqiqotlar” mavzusida xalqaro qishki ta’til Germaniyaning Gottingen universiteti, Germaniya Sharqiy Yevropa xalqaro tadqiqotlar markazi bilan tizimli ravishda tashkil qilingan.
