Kafedrada hozirgi kunda quyidagi yo‘nalishlar bo‘yicha ilmiy tadqiqot ishlari olib borilmoqda: Qiyosiy tipologiya usullari asosida nemis va o‘zbek tillarining muammoli masalalarini o‘rganish; Xorijiy tillarni yangi texnologiya asosida o‘qitish; Bevosita tarjima qilish.
Keyingi 5 yil davomida kafedra a’zolari tomonidan 500 dan ortiq ilmiy maqolalarni xalqaro va respublika ilmiy jurnallarda chop etilgan.
Nemis filologiyasi kafedrasi qoshida “Qiyosiy adabiyotshunoslik, chog’ishtirma tilshunoslik va tarjimashunoslik” ilmiy-tadqiqot markazi tashkil qilingan. Mazkur markaz tilshunos olimlar, mutaxassislar, tayanch doktorantlar, mustaqil tadqiqotchi, magistrant va pedagoglarning jamoat tashkiloti bo‘lib, tarjimashunoslik va adabiyotshunoslik, til va tafakkur muammolari, tili o‘rganilayotgan mamlakat madaniyati va uning lingvomadaniy belgilari, chet tillarni o‘rganishda yangi va zamonaviy pedagogik texnologiyalarning roli, chet tillarni o‘rganishda tarjimashunoslik va adabiyotshunoslikning rolini kuchaytirish maqsadida ilmiy tadqiqot faoliyatini tizimli asosda yo‘naltirish, ilmiy maktablar an’analarini davom ettirish, yangilarini shakllantirishga zamin yaratish, fundamental, amaliy, innovatsion tadqiqotlarni yo‘lga qo‘yish, ilmiy – ijodiy yutuqlarni targ‘ib qilish vazifalarini amalga oshirishga xizmat qilmoqda. Kafedrada 50 dan ortiq iqtidorli talabalar ilmiy-tadqiqot ishlariga jalb qilingan. Keyingi 3 yil davomida talabalarning 100 dan ortiq ilmiy maqolalari ilmiy to‘plamlarda chop etildi.
