Aminov Ne’mat (1937.17.07. Buxoro viloyati Romitan tumani) - hajvchi yozuvchi. O‘zbekiston xalqyozuvchisi (1992). Buxoro pedagogika institutining tarix-filologiya fakulьtetini tamomlagan (1959). Viloyat radio eshittirish qo‘mitasida muharrir va bosh muharrir (1961-73), “Mushtum” jurnalda mas’ul kotib, bosh muharrir. (1973 - 1995), “Shark, yudduzi” jurnal bosh muharrir o‘rinbosari (1989-1991), respublika “Ma’naviyat va ma’rifat” jamoatchilik markazi rahbari (1995-1999).
Birinchi hajviy hikoyalar to‘plami – “Ikki pullik obru” 1966 yilda nashr etilgan. So‘ng “Qirq, uchinchi pochcha” (1970), “Labixovuz xandalari” (1973), “Chinorlar qo‘shig‘i” (1984), “Elkasiz polvon” (1986), “O‘g‘ri mushukcha” (1987), “Qahqaha” (1987), “Yallama-yorim” (1988), “Cholbolaning ertaklari” (1990) va badiiy hajviy to‘plamlari e’lon qilingan. 1976 -1983 yillarda “Elvizak” va “Suvarak” qissalari asosida “Yolg‘onchi farishtalar yoxud elvizak fe’l va suvarak mijoz Bashirjon Zaynishev hayotidan” hajviy romanini yaratdi. Aminovning hajvchilik ijodi adabiyotda o‘ziga xos milliy bo‘yoklarga boyligi bilan ajralib turadi. Uning ijodiga xos xalqchillik “Bir asr hikoyati” (1996) asarida namoyon bo‘ldi. Aminov otasidan eshitgan voqealar va hikmatlar silsilasi asosida donishmand Sharq kishisining ajoyib obrazini yaratdi. Aminov asarlari bir qancha xorijiy tillarga tarjima qilingan. “Mehnat shuhrati” ordeni bilan mukofotlangan (1999).
