Sektorning maqsadi:

Sektorning maqsadi universitetda ta’lim olayotgan iqtidorli talabalarni aniqlash va ilmiy-tadqiqot faoliyatiga jalb etish, ularda innovatsion fikrlashni shakllantirish hamda iqtidorli talabalarning ilmiy-tadqiqot faoliyati bilan shug‘ullanishlari uchun shart-sharoitlar yaratish va ularning bu yo‘nalishda erishgan yutuqlarini qo‘llab-quvvatlash hamda rag‘batlantirish yuzasidan kompleks chora-tadbirlarni amalga oshirish hisoblanadi.

Talabalarning ilmiy tadqiqot faoliyatini tashkil etish sektorining vazifalari:

— Iqtidorli talabalarni fakultetlar kesimida saralash, izlash va aniqlashni tashkil etish;

— Ta’lim olayotgan iqtidorli talabalarning intellektual salohiyatini muntazam ravishda Raven testlari orqali aniqlab borish;

— Iqtidorli talabalarning moyilligiga qarab, ularni maqsadli tayyorlashni uyushtirish;

— Iqtidorli talabalarni ustoz-shogird tizimida yetuk fan doktorlari, professorlar, fan nomzodlari va tajribali o‘qituvchilarga biriktirish;

— Chet tili va kompyuterni mukammal egallash maqsadida o‘quv mashg‘ulotlarni tashkil etish;

— Fundamental, amaliy, innovatsion ilmiy-tadqiqot ishlariga, kafedralar qoshidagi ilmiy to‘garaklarga va turli tanlovlarga jalb qilish;

— Iqtidorli talabalarning ilmiy maqolalarini chop etishga, shuningdek, ularning ilmiy ishlari va ilmiy ishlanmalarini amaliyotga joriy etishda ko‘maklashish;

— Dunyo tan olgan ilmiy va xorijiy jurnallarda maqola chop ettirishni tashkillashtirish;

— Iqtidorli talabalarni Respublika va xalqaro miqyosda o‘tkaziladigan ilmiy anjumanlarda ishtirok etishini ta’minlash hamda xorijiy davlatlarga o‘qishga va stajirovkaga yuborishni tashkil etish;

— Universitetda har yili o‘tkazilib kelinayotgan Talabalar Respublika fan olimpiadalariga ishtirokini ta’minlash;

— Iqtidorli talabalar safidan O‘zbekiston Respublikasi davlat stipendiyalariga nomzodlarni maxsus tayyorlash;

— Iqtidorli talabalarni ilm-fan arboblari, ishlab chiqarish korxonalari rahbarlari va yirik mutaxassislar bilan uchrashuvlarini tashkil etish;

— Iqtidorli talabalar uchun ixtisoslik bo‘yicha kasb o‘yinlarini tashkil etish;

— Iqtidorli talabalar o‘rtasida muntazam ravishda sotsiologik tadqiqotlar o‘tkazib turish;

— Zamonaviy axborot tizimlaridan foydalanishga shart-sharoitlar yaratish;

— Iqtidorli talabalarni o‘quv yili yakunidagi faoliyatini monitoring qilish, hisobotlarini tinglash hamda yangi vazifalar berish.