Uchinchi ekspozisiyada XIX asr oxiri va XX asr boshlariga oid tangalar, qog‘oz pullar va ablegatsiyalar o‘rin olgan.
Numizmatika (lotincha: numisma – tanga) – tangalar haqidagi fan; tangalarning tasvirlari, yozuvlari, og‘irligi, qanday metalldan yasalganligi, pul muomalasidagi darajasi va tanga zarb qilinish tarixini o‘rganadi. Numizmatika xronologiya, moddiy madaniyat, ichki va tashqi savdo tarixi masalalarini tekshirishga imkon beradi, tarix, arxeologiya, paleografiya, san’at tarixi, iqtisod, etnografiya fanlari uchun katta ahamiyatga ega. Numizmatika tushunchasiga yana qog‘oz pullarni o‘rganish (bonistika) va medal, jeton, orden hamda nishonlarni o‘rganish (faleristika) ham kiradi. Metall pullar paydo bo‘lgunga qadar pul vazifasini har xil tovarlar: hayvonlar, taqinchoklar, metall qurollar va quymalar bajargan. Jamiyatning iqtisodiy rivojlanishi, savdoning o‘sishi pulga bo‘lgan ehtiyojni keltirib chiqargan. Faqat davlat boshliklarigina tanga chiqarish huquqiga ega bo‘lgan. Birincha metall tangalar miloddan avvalgi 7-asrda Kichik Osiyoning Lidiya davlatida zarb qilingan.
O‘rta Osiyoda birinchi tangalar (kumushdan) miloddan avvalgi 3-asrda chiqarilgan. Uning yuza qismi (aversi)ga podshoning surati, orqa tomoni (reversi)ga esa har xil xudolar, muqaddas hayvonlar tasviri solingan yoki podsholarning nomi yozilib, tamg‘asi tushirilgan.
To’rtinchi ekspozisiyada
XX asr boshlariga oid bulgan buyumlar sopol ko‘zachalar, temir kalit, 1910 yilda Rossiyaning Kuznesov va Gardner fabrikasidan keltirilgan kosalar namoyish etilgan.
Beshinchi ekspozisiyada
XIX asr Buxoro vohasida kundalik turmush uchun kerakli bo‘lgan buyumlar: sopol lagan, xompo‘sh, mis oftoba, sopol kosa va piyola,yog‘och qoshiqlar, dasturxon namoyish qilingan.
