Bugungi kunda axborot texnologiyalarining jadal rivojlanishi bilan bir qatorda, virusli dasturlar va zararli ilovalar soni ham ortib bormoqda. Bunday dasturlar foydalanuvchilarning shaxsiy ma’lumotlarini o‘g‘irlash, qurilma faoliyatiga zarar yetkazish hamda moliyaviy yo‘qotishlarga sabab bo‘lishi mumkin. Shu bois, har bir fuqaro raqamli xavfsizlik qoidalariga qat’iy rioya qilishi zarur.
Virusli dasturlardan himoyalanish uchun noma’lum manbalardan ilova va fayllarni yuklab olmaslik, shubhali havolalarga kirmaslik hamda qurilmaga ishonchli antivirus dasturlarini o‘rnatish tavsiya etiladi. Shuningdek, operatsion tizim va ilovalarni doimiy ravishda yangilab borish, shaxsiy ma’lumotlarni begona shaxslarga bermaslik muhim ahamiyatga ega.
Buxoro viloyati targ‘ibot kuni doirasida aholini axborot xavfsizligi masalalarida ogohlikka chaqiramiz. Har birimiz mas’uliyatli bo‘lsak, virusli dasturlar xavfining oldini olish va raqamli makonda xavfsiz muhitni ta’minlashimiz mumkin.
VIDEONI KO'RISH
