Bugungi kunda OLX kabi onlayn savdo platformalarida foydalanuvchilar soni oshgani sari, firibgarlik holatlari ham ko‘paymoqda. Firibgarlar odatda arzon narxlar, tezkor yetkazib berish yoki “shoshilinch sotuv” bahonasi bilan odamlarni aldashga urinadilar. Ular siz bilan Telegram yoki boshqa messendjerga o‘tishni taklif qiladi va soxta to‘lov havolalarini yuboradi. Ayrim hollarda ular sizning bankingiz yoki plastik kartangiz haqidagi ma’lumotlarni olishga harakat qiladi.
Nimalarga e’tibor berish kerak:
- Juda arzon narxlar shubha uyg‘otishi kerak.
- Sotuvchining profili yangi yoki izohlarsiz bo‘lsa, ehtiyot bo‘ling.
- To‘lovni oldindan yubormang, imkon bo‘lsa tovarni ko‘rib, qo‘lga- qo‘l usulde xarid qiling.
- Soxta “kuryer xizmati bilan to‘lov” havolalariga ishonmang — ular kartangiz ma’lumotlarini o‘g‘irlash uchun mo‘ljallangan bo‘lishi mumkin.
Tavsiya: Savdoni faqat platformaning o‘zi orqali amalga oshiring va hech qachon shaxsiy yoki bank ma’lumotlaringizni begonalarga yubormang. Agarda shubha tug‘ilsa — bitimni rad eting. Ehtiyot bo‘ling, firibgarlarga aldanmang!
VIDEONI KO'RISH
