2025-yilning 21-noyabr kuni Buxoro davlat universitetining Devonxona sektori bosh mutaxassisi D.U. Axtamova hamda Raqamli ta’lim texnologiyalari departamenti xodimlari ishtirokida Kibermadaniyatni yuksaltirish oyligi doirasida davra suhbati o‘tkazildi.
Suhbat davomida internet va ijtimoiy tarmoqlardan foydalanish madaniyatini shakllantirish, elektron to‘lov vositalaridan xavfsiz foydalanish, shaxsga doir ma’lumotlarni ishonchli himoya qilish hamda ulardan noqonuniy foydalanilishining oldini olish bo‘yicha batafsil tushuntirishlar berildi. Shuningdek, boshqalarning shaxsiy ma’lumotlarini noqonuniy to‘plash va undan foydalanish orqali sodir etilishi mumkin bo‘lgan tovlamachilik va kiberzo‘ravonlik holatlarining oldini olish, taqiqlangan kontentlarga nisbatan “raqamli immunitet”ni shakllantirishning ahamiyati yoritib berildi. Tadbir ishtirokchilari uchun amaliy tavsiyalar ham taqdim etilib, ularning kibermadaniyat bo‘yicha savodxonligi yanada mustahkamlandi. Devonxona sektori ishchi-xodimlariga xizmat faoliyati doirasida ishlatiladigan hujjatlar hamda ushbu hujjatlardan to‘g‘ri va xavfsiz foydalanish bo‘yicha yo‘riqnomalar tanishtirildi. Shu bilan birga, xodimlarga ma’lumotlar xavfsizligini ta’minlash, xizmat kompyuterlaridan unumli foydalanish va kiberxavfsizlik qoidalariga rioya qilish bo‘yicha amaliy tavsiyalar berildi.
