2025-yilning 21-noyabr kuni Buxoro davlat universiteti Iqtisodiyot fakultetining 3-2BUX-25 guruhida raqamli savodxonlik, axborot xavfsizligi va kibermadaniyatni yuksaltirishga qaratilgan targ‘ibot tadbiri tashkil etildi. Tadbirda Raqamli ta’lim texnologiyalari departamenti xodimlari ishtirok etdi.
Tadbir davomida ishtirokchilarga internet va ijtimoiy tarmoqlardan xavfsiz foydalanish, shaxsiy ma’lumotlarni himoya qilish, kuchli parol yaratish, kiberfiribgarliklarning keng tarqalgan turlari va ulardan himoyalanish bo‘yicha amaliy tavsiyalar berildi. Shuningdek, mobil ilova va bank kartalaridan foydalanishda yo‘l qo‘yilishi mumkin bo‘lgan xatoliklar, zararli havola va fayllarni aniqlash usullari haqida batafsil tushuntirishlar berildi.
Uchrashuv davomida talabalarga kiberxavfsizlik bo‘yicha videoroliklar namoyish etildi, ochiq muloqot tashkil etilib, ularni qiziqtirgan savollarga javoblar berildi.
Mazkur targ‘ibot tadbirining asosiy maqsadi — talabalarning raqamli savodxonligini oshirish, axborot makonida ongli va mas’uliyatli bo‘lish, internetdagi mumkin bo‘lgan tahdidlardan o‘z vaqtida xabardor bo‘lish ko‘nikmalarini shakllantirishdan iborat.
