Buxoro davlat universitetining Tabiiy va agrobiotexnologiya fakultetida faoliyat olib boruvchi professor-o‘qituvchilar, ishchi-xodimlar hamda fakultetda ta’lim oluvchi talabalar bilan davra suhbatlari tashkil etildi. Tadbirning asosiy maqsadi yoshlar o‘rtasida axborot madaniyati va kiberxavfsizlik bo‘yicha bilimlarni oshirish, ularni raqamli makonda xavfsiz faoliyat yuritishga o‘rgatishdir.
Davra suhbatlarida ishtirokchilarga shaxsiy ma’lumotlarni himoya qilish, internetdan mas’uliyat bilan foydalanish, fishing va boshqa kibertahdidlardan ogoh bo‘lish bo‘yicha tushuntirishlar berildi. Shuningdek, parol siyosatidan oqilona foydalanish bo‘yicha yo‘riqnomalar tanishtirilib, amaliy maslahatlar berildi.
Tadbir davomida ishtirokchilarga internet va ijtimoiy tarmoqlardan foydalanish madaniyatini shakllantirish, elektron to‘lov vositalaridan xavfsiz foydalanish, shaxsga doir ma’lumotlarni ishonchli himoya qilish hamda ulardan noqonuniy foydalanilishining oldini olish bo‘yicha batafsil tushuntirishlar berildi. Shuningdek, boshqalarning shaxsiy ma’lumotlarini noqonuniy to‘plash va undan foydalanish orqali sodir etilishi mumkin bo‘lgan tovlamachilik va kiberzo‘ravonlik holatlarining oldini olish, taqiqlangan kontentlarga nisbatan “raqamli immunitet”ni shakllantirishning ahamiyati yoritib berildi. Tadbir ishtirokchilari uchun amaliy tavsiyalar ham taqdim etilib, ularning kibermadaniyat bo‘yicha savodxonligi yanada mustahkamlandi.
Ushbu tashkiliy ishlar natijasida talaba-yoshlar o‘rtasida axborot madaniyati va kiberxavfsizlik sohasidagi bilim darajasi sezilarli darajada oshdi.
