Axborot texnologiyalari kafedrasi dotsenti, t.f.f.d. (PhD) X.I. Eshonqulov rahbarligida umumiy qiymati 723,0 mln. so‘mni tashkil etadigan “STEM yo‘nalishida arduino bazasiga asoslangan DIY (do it yourself) konstruktorlarini yaratish hamda ularni o‘qitish metodikasini ishlab chiqish” startap loyihasi Innovatsion rivojlanish vazirligi tomonidan moliyalashtirish maqsadida yakuniy bosqichda ko‘rib chiqilmoqda. Loyihani amalga oshirishdan ko‘zlangan asosiy maqsad STEM, robototexnika, AT sohalarini Arduino bazasiga asoslangan kontruksiyalar yordamida ommaga o‘rgatishdan iborat. Loyihada quyidagi Arduino bazasiga asoslangan 20 ta mustaqil tarzda yig‘iluvchi kontruksiyalarni yaratish ko‘zda tutilgan. Shu bilan bir qatorda, ularni o‘qitish metodikasi xam ishlab chiqiladi. Kelajakda ushbu loyihani maktablarda texnologik ta’lim fani bilan integratsiyalash mumkin. Dastlabki bosqichda loyiha doirasida 12 yosh va undan yuqori bo‘lgan o‘quvchilarni qamrab olish mo‘ljallangan. Hozirgi kunda O‘zbekistonda Arduino bazasiga asoslangan kontruksiyalarni ishlab chiqish faoliyati yo‘lga qo‘yilmagan hamd a ularni o‘rgatish metodikasi yaratilmagan. Konstruksiyalarni yig‘ish davomida o‘quvchilarda ijodiy fikrlash, motorikani rivojlantirish, sxematexnika, elektrotexnika, chizmalarni o‘qish, dasturlash, mantiqiy va tanqidiy fikrlash, loyihalar ustida ishlash kabi xususiyatlar shakllantiriladi
