O’zbekiston Respublikasi Innovatsion rivojlanish vazirligi tomonidan “Bo’lajak olim” tanlovi e’lon qilingan edi. Tanlov Vazirlar Mahkamasining
2021-yil 19- apreldagi “Ilmiy va innovatsion faoliyat bilan shugʼullanib kelayotgan iqtidorli yoshlarni qoʼllab-quvvatlash chora-tadbirlari toʼgʼrisida”gi qarori bilan tasdiqlangan “Boʼlajak olim” tanlovini oʼtkazish tartibi toʼgʼrisida”gi Nizomda belgilangan talablarga muvofiq oʼtkazildi.
Yoshlar akademiyasi tomonidan “Boʻlajak olim” tanlovi doirasida ilmiy gʻoya boʻyicha takliflar qabul qilish boʻyicha eʼlon berildi hamda tanlov doirasida 233 ta arizalar qabul qilindi.
“Boʻlajak olim” tanlovini oʻtkazish tartibi toʻgʻrisida” gi Nizom tartibiga muvofiq tanlovga taqdim etilgan ilmiy gʻoyalar ushbu Nizom talablarga muvofiqligi, shuningdek, taqdim etilgan maʼlumotlarni tahlil qilishda xatolarni aniqlash boʻyicha texnik ekspertizasi tashkil etildi. Texnik ekspertiza natijalariga koʻra 108 ta ilmiy gʻoya tanlov komissiyasi muhokamasiga kiritildi. Vazirlik Hayʼati muhokamasida “Boʻlajak olim” tanlovi komissiyasi muhokamalarida koʻrib chiqilgan va ragʻbatlantirishga tavsiya etilgan 49 ta ilmiy gʻoyani ragʻbatlantirish boʻyicha qaror qabul qilindi. Quvonarlisi, ushbu 49 ta ragʻbatlantirishga tavsiya etilgan ilmiy g’oyalar ichida universitet vakillari ham bor. Xususan, f.f.n., dotsent Sh.Sh. Fayziyev tomonidan ishlab ishlab chiqilgan “Kombinatsiyalashgan quyosh chuchitgich-quritgich qurilmasi yaratish” loyihalari tanlov yakunida g’olib sifatida tan olindi. Loyihani moliyalashtirish hajmi 85 0000 000 so’mni tashkil etadi.
