Ushbu loyiha O‘zbekiston Respublikasi Innovatsion rivojlanish vazirligining, qisqa, o‘rta va uzoq muddatga davlat mablag‘lari asosida moliyalashtirilgan davlat ilmiy-texnik dasturlari doirasida amalga oshirilgan 2018-2020 yillarga mo‘ljallangan amaliy loyiha hisoblanadi.
Dotsent M.A. Oripov rahbarligida 2020-yilda OT-AQX-2018-22 – “Chorvachilikning ozuqa bazasini rivojlantirish orqali chorvachilik mahsulotlari yetishtirishning iqtisodiy samaradorligini oshirish (Buxoro viloyati misolida)” mavzusidagi loyiha doirasida quyidagi ishlar amalga oshirilgan.
• Buxoro viloyat qishloq xo‘jaligi boshqarmasiga chorvachilik ozuqasi ishlab chiqarishni yangi texnologiyasini joriy etish bo‘yicha takliflar ishlab chiqildi va yetkazildi;
• Qorovulbozor tumanida granula ko‘rinishida chorva ozuqasi ishlab chiqarish bo‘yicha taklif berildi va uni biznes-rejasini tayyorlash ustida ish olib borilmoqda;
• 2020-yil Davlat dasturi loyihasiga chorvachilikni rivojlantirish bo‘yicha takliflar berilgan;
• Buxoro viloyati Qorovulbozor tumanida chorvachilik klasterini tashkil etish bo‘yicha takliflar asoslantirilib viloyat qishloq xo‘jaligi boshqarmasiga yetkazilgan;
• O‘zbekiston Respublikasi Chorvachilik va parrandachilik ilmiy-tadqiqot instituti bilan chorva ozuqasi ekinlarining unumdor navlarini, jumladan Javdar urug‘ini Buxoro viloyatida tajriba sinov sifatida ekildi va 2 ta fermer xo‘jaliklari bilan shartnoma qilingan;
• Chorvachilik xo‘jaliklarida qo‘llanilayotgan amaldagi hisob-kitoblar holatini o‘rganish maqsadida ijtimoiy so‘rovnoma o‘tkazilgan;
• Buxoro davlat universitetida 2020-yil 19-20 aprel kunlari “O‘zbekistonda chorva ozuqasi ekinlari hosildorligi va ozuqa yetishtirishning samaradorligini oshirish” mavzusida Respublika ilmiy-amaliy anjumani o‘tkazilgan;
• G‘ijduvon tumani Ko‘kcha naslchilik shirkat xo‘jaligi negizida “Ustozbobonishon” chorva klasterini tashkil etish bo‘yicha qiymati 5 mln. dollarlik “Biznes reja” ishlab chiqilgan hamda dalolatnoma tuzilgan.
Loyihaning 2020-yildagi vazifalaridan kelib chiqqan holda yil davomida 20 ta turli ilmiy anjumanlarda va 2 ta xorijda, 2 ta respublika jurnallarida maqolalar nashr etilgan.
2020-yilda loyihani bajarishda 313 985 000 so‘m mablag‘ ajratilgan.
