Ushbu loyiha O‘zbekiston Respublikasi Innovatsion rivojlanish vazirligining, qisqa, o‘rta va uzoq muddatga davlat mablag‘lari asosida moliyalashtirilgan davlat ilmiy-texnik dasturlari doirasida amalga oshirilgan 2018-2020 yillarga mo‘ljallangan amaliy loyiha hisoblanadi.
Professor Sh.R. Barotov rahbarligida 2020-yilda F1-002 raqamli “Yoshlarda milliy g‘oya va mafkuraviy immunitetni shakllantirishning psixologik mexanizmlari” loyihasi bo‘yicha tadqiqotda ilk marotaba o‘smirlarda mafkuraviy immunitet shakllanishining psixologik omillari maxsus tadqiqot sifatida o‘rganilgan, o‘smirlarda mafkuraviy immunitet shakllanishining psixologik omillariga oid ilmiy-nazariy manbalarning muayyan mezonlar (psixologik himoya mexanimlari, eksternal va internal xususiyatlari, ba’zaviy e’tiqodlar tizimi, motivatsion yo‘nalishlari, ehtiyojlar ierarxiyasi, qadriyatlar tizimi, kognitiv jarayonlari, xulq-atvor meyorlari, irodaviy-emotsional holatlari kabi komponentlar) asosida tahlil etilgan va umumlashtirilgan. Mazkur loyiha doirasida 2 ta darslik, 1 ta o‘quv qo‘llanma, 23 ta xalqaro jurnallarda, 9 ta respublika miqyosidagi jurnallarda ilmiy maqolalar, 12 ta Respublika miqyosidagi tezislar, 7 ta xalqaro miqyosidagi tezislar chop etilgan.
2019-yilda loyihani bajarishda 119 913 000 so‘m mablag‘ ajratilgan.
