Kafedrada asosan, quyosh energiyasidan foydalanish, hamda fizika fanini o‘qitish metodikasi yo‘nalishlarida ilmiy-tadqiqot ishlari olib borilmoqda. Buxoro davlat universitetida 1.900 Vt quvvatga ega avtonom kuyosh fotoelektrik elektrostansiyasi barpo qilindi. Bu quyosh elektrostansiyasi piyodalar yo‘lagida o‘rnatilgan svetoforni darvozaga o‘rnatilgan shlagbaumni va 4 ta 100 Vt lik projektorni uzluksiz ravishda elektr toki bilan ta’minlab turibdi. Bu Kuyosh elektr stansiyasi universitet innovatsion ishlanmalar jamg‘armasi tomonida 29 mln so‘mga moliyalashtirildi.
Kafedra ilmiy xodimlari tomonidan quyosh suv chuchitgichlari, gelioissiqxona-quritgich qurilmalarining turli konstruksiyalari yaratilib, ishlab chiqarishga tatbiq etish uchun tavsiya qilingan. Keyingi 5 yil davomida kafedra a’zolari 100 dan ortiq ilmiy maqolalarni xalqaro va respublika ilmiy jurnallarda chop etdilar. Kafedrada yaratilgan “Mini gelioquritgich-issiqxona”, “Ko‘chma quyosh suv chuchitgichi” qurilmalari “Innovatsion g‘oyalar, texnologiyalar va loyihalar” Respublika yarmarkalarida namoyish etildi va bir qator shartnomalar imzolandi. Kafedrada 10 dan ortiq iqtidorli talabalar ilmiy-tadqiqot ishlariga jalb qilingan. Keyingi 2 yil davomida talabalarning 15 dan ortiq ilmiy maqolalari ilmiy to‘plamlarda chop etildi.
