Yoshlar bilan ishlash, ma‘naviyat va ma‘rifat bo‘limi bahorning ilohiy nafasidan tabiat uyg‘onib, olam yasharib, yangilanib borayotgan ushbu damlarda o‘zida dunyo go‘zalligini, hayot falsafasi va ma‘no-mazmunini, qalbida fidoyilik, vafo va sadoqatni jo aylagan Sizdek oqila va fozila munis ayollarni yaqinlashib kelayotgan qutlug‘ ayyom – 8 mart bilan qizg‘in muborakbod etadi.
Hamisha ezgulik va shafqat, mehr-oqibat va sadoqat timsoli bo‘lgan Sizdek muhtarama zotlarni bugungi ayyomingiz bilan chin dildan qutlar ekanmiz, sizlarga sihat-salomatlik, xonadoningizga fayzu baraka, ilmiy va ijodiy faoliyatingizga ulkan muvaffaqiyatlar tilaymiz.
Ma‘rifat, ma‘naviyat, halollik, ibo, nazokat va bahoriy kayfiyat o‘zbek xotin-qizlarini aslo tark etmasin!
Sizning borlig‘ingiz – mehr, borligingiz – baxt,
Siz – nurli iqboli qadim ma‘voning.
Bag‘ringizda yayrab ulg‘ayar farzand –
Mushtipar qizisiz Momo Havoning.
Siz –Ona, Siz – Opa, mehribon Singil,
Dildoshsiz – baxt qasrin yoritgan osmon.
Siz borsiz, gullagay orzular, ko‘ngil,
Siz bilan totlidir to‘kin dasturxon.
Bugun dildan deyman: muborak bo‘lsin -
Umrning eng toza, latif, ayyomi.
Sitzga tortiq etsin yangi orzular,
Shodlik, quvonchlarga to‘la dunyoni!
Yoshlar bilan ishlash, ma‘naviyat va ma‘rifat bo‘limi
