Tadbir Korrupsiyaga qarshi kurashish "Komplaens-nazorat" tizimini boshqarish bo‘limi boshlig‘i Y.K.Quliyev tomonidan Prezidentimiz Sh.M.Mirziyoyevning quyidagi fikrlari bilan boshladi: "Islohotlarimiz natijadorligi avvalo, sadoqatli, fidoiy va korrupsiyaga toqatsiz yangi avlodga bevosita bog‘liq. Bu ishda fikri toza yosh avlodni tarbiyalash ustuvor vazifaga aylanishi shart".
Davra suhbatida "Korrupsiya Oliy ta’lim uchun tahdid" shiori ostida tyutorlarimiz oldida turgan vazifalar hamda amalga oshirilishi kerak bo'lgan chora-tadbirlar to'g'risida aytib o'tildi.
Jumladan, talabalar orasida akademik korrupsiyaning pulsiz ko‘rinishi, akademik insofsizlik kabi atamalar ta'rifi hamda akademik korrupsiyani oldini olishdagi xalqaro tajribalar to'g'risida uqtirib o'tildi.
Talabalarimiz orasida loqaydlikning turli ko'rinishlarini aniqlash va bartaraf etish, daxldorlik fazilatlarini shakllantirish bo'yicha tegishli ko'rsatmalar berildi.
Universitet Korrupsiyaga qarshi kurashish “Komplaens-nazorat” bo’limi hamda tyutorlar jamoasi o'zaro hamkorlikda akademik korrupsiyaning har qanday ko'rinishlariga qarshi kurashishga kelishib olishdi.
