Tadbirni fakultet dekani To‘qsanov Qahramon Rahimboyevich universitetimizda korrupsion holatlarga qarshi olib borilayotgan siyosat, targ‘ibot va tashviqot ishlari haqidagi fikrlari bilan ochib berdi.
Shundan so‘ng, universitet Korrupsiyaga qarshi kurashish “Komplaens-nazorat” tizimini boshqarish bo‘limi boshlig‘i Quliyev Y.K. tomonidan oliy ta’lim tizimida so‘nggi paytda uchrayotgan akademik korrupsiyaning turli ko‘rinishlari haqida to‘xtalib o‘tdi. Jumladan talabalarning oraliq va yakuniy nazoratlarda, bitiruv va kurs ishlarida, malakaviy amaliyot hujjatlarini to‘ldirishda ko‘chirmachilik (plagiat, uydirma, aldash) foydalanishlari, telefon yordamida imtihonlardan o‘tishlari, internetdan ko‘chirib kurs ishi va malakaviy amaliyotlardan baho olish uchun plagiat qilishlari, tanish bilish orqali baho olish ekanligi tushuntirildi.
Uchrashuvda talabalar bildirilgan muammolar borasida o‘z fikrlarini bildirib, kelgusida jamiyatimizda foydali, malakali va raqobatbardosh mutaxassis bo‘lib yetishishda faqatgina o‘z bilimi bilan ko‘chirmachiliksiz, plagiatsiz bilim olish eng asosiy maqsadlardan biri ekanligi uqtirib o‘tildi.
Tadbir yakunida o‘tgan davrda universitetda o‘tkazilgan korrupsiyaga qarshi kurashish sohasida turli tadbirlar, targ‘ibot va tashviqot ishlarida o‘zining faolligi, jonkuyarligi bilan faol ishtirok etgan talabalar universitet rektorining tashakkurnomasi bilan taqdirlandilar.
