"Yoshlar korrupsiyaga yo‘q deydi” hamda “Korrupsiyadan holi ta’lim muassasasi” tanlovi g‘oliblari aniqlandi!
Talaba va o‘quvchilarning ijtimoiy faolligini oshirish markazi oliy ta’lim muassasalari talabalari o‘rtasida “Yoshlar korrupsiyaga yo‘q deydi” mavzusida “Eng yaxshi rasmlar” hamda “Korrupsiyadan holi ta’lim muassasasi” mavzusida “Eng yaxshi videoroliklar” tanlovini e’lon qilgan edi. Mazkur tanlovlarning yakuniy bosqichi o‘tkazildi.
Tanlovning oliy ta’lim muassasalari bosqichida g‘olib topilgan ijodiy ishlar Yoshlar ishlari agentligi, Respublika Ma’naviyat va ma’rifat markazi hamda Kinematografiya agentligi huzuridagi “Yoshlik” kinostudiyasi mutaxassislaridan iborat Hakamlar hay’ati tomonidan ko‘rib chiqildi va g‘oliblar aniqlandi. Tanlovni adolatli va shaffof baholab borgan Hakamlar hay’ati a’zolariga tashakkurnomalar topshirildi.
Yakuniy natijalarga ko‘ra tanlov g‘oliblari bilan tanishing:
“Yoshlar korrupsiyaga yo‘q deydi” mavzusida “Eng yaxshi rasmlar” tanlovi
1-o‘rin – Axmatova Nigora – Buxoro davlat universiteti talabasi;
2-o‘rin – Rustamova Nozima – Andijon davlat tibbiyot instituti talabasi;
3-o‘rin – Izzatullayev Elyorbek – O‘zbekiston davlat jahon tillari universiteti talabasi.
“Korrupsiyadan holi ta’lim muassasasi” mavzusida “Eng yaxshi videoroliklar” tanlovi
1-o‘rin – Obidjonov Muhammadsaydullo – Andijon davlat tibbiyot instituti talabasi;
2-o‘rin – Egamov Muzaffar – Toshkent tibbiyot akademiyasi Urganch filiali talabasi;
3-o‘rin – Shamsiyev Bexruzjon – Qarshi muhandislik-iqtisodiyot instituti talabasi.
