O‘zbekiston Respublikasi Prezidentining 2021-yil 6-iyuldagi “Korrupsiyaga qarshi murosasiz munosabatda bo‘lish muhitini yaratish, davlat va jamiyat boshqaruvida korrupsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari to‘g‘risida”gi PF-6257-son Farmoni, O‘zbekiston Respublikasi Prezidentining 2021-yil 6-iyuldagi “Korrupsiyaga qarshi kurashish faoliyatini samarali tashkil etishga doir qo‘shimcha chora-tadbirlar to‘g‘risida”gi PQ-5177-son qarori, Korrupsiyaga qarshi kurashish Buxoro viloyat kengashining 2023-yil 29-sentabrdagi 7-sonli yig’ilish bayonnomasiga asosan Korrupsiyaga qarshi kurash “Komplayens-nazorat” tizimi bo‘yicha o‘quv kurslarini tashkil etish belgilangan.
Buxoro davlat universiteti Korrupsiyaga qarshi kurash “Komplaens-nazorat” tizimini boshqarish bo‘limi universitetning Psixologiya va sotsiologiya kafedrasi huzurida tashkil qilingan “Psixologik klinika” ilmiy tadqiqot markazi bilan hamkorlikda maxsus o‘quv kurs dasturlari va nizomlari tuzilib, Buxoro viloyatidagi barcha tashkilot, muassasa va korxonalarning uchun 16 soatlik, 5 kunga mo’ljallangan o’quv-amaliy kurslari tashkil etildi. O‘quv kurslarini bitirgan tinglovchilarga maxsus sertifikat va korrupsiyaga qarshi xulq atvorni shakllantirish, nepotizm, favoritizm, kronizm, manfaatlar to‘qnashuvi kabi muammolar yoritilgan o’quv tarqatma materiallari beriladi.
O'quv-kursida Buxoro viloyati sog’liqni saqlash tizimi muassasalari boshqaruv apparati 28 nafar xodimlari o‘quv kursida tahsil olmoqda.
