Buxoro davlat universiteti Xorijiy tillar fakulteti Fakultetlararo chet tillar kafedrasi mudiri Fayzulloyev O.M boshchiligida “Biz korrupsiyaga qarshimiz”mavzusida kafedra professor-o‘qituvchilari bilan davra suhbati o'tkazildi.
Buxoro davlat universiteti rektorining 13-mart 2024-yildagi 155-U-sonli buyrug‘iga ko'ra Buxoro davlat universitetida korrupsiyaviy xavf-xatarlarni tahlil qilish va ularning natijalarini e’lon qilish tartibi to‘g‘risida maxsus YO‘RIQNOMA ishlab chiqilgan bo'lib, ushbu yo'riqnoma Buxoro davlat universitetida korrupsiyaviy xavf-xatarlarni tahlil qilish va natijalarini e’lon qilish tartibini belgilaydi.
Fakultetlararo chet tillar kafedrasida ham ushbu yo'riqnomaning quyidagi
2. Qonun hujjatlarida universitet tomonidan korrupsiyaviy xavf-xatarlarni tahlil qilishda ushbu Yo‘riqnomadan boshqa talablar belgilangan taqdirda, qonun hujjatlari talablariga rioya etiladi.
3. Yo‘riqnomaning asosiy maqsadi universitetda korrupsiya holatining tizimli tahlil qilinishini ta’minlash, korrupsiyaga oid xavf-xatarlar yuqori bo‘lgan sohalar hamda korrupsiyaga oid huquqbuzarliklar sodir etilishining sabab va shart-sharoitlarini aniqlash, ularni bartaraf etish choralarini ko‘rish hisoblanadi.
4. Yo‘riqnomaning asosiy vazifalari quyidagilar hisoblanadi: universitetda korrupsiyaviy xavf-xatarlarni tahlil qilish va ularning natijalarini e’lon qilishga doir ijtimoiy munosabatlarni huquqiy jihatdan tartibga solish; universitetda korrupsiyaviy xavf-xatarlarni tahlil qilish va natijalarini e’lon qilish yo‘nalishida yagona amaliy yondashuv shakllanishini ta’minlash; korrupsiyaviy xavf-xatarlarni aniqlash bo‘yicha tahlillar o‘tkazishda xodimlar tomonidan nojo‘ya xatti-harakatlar sodir etilishining oldini olish, bunday salbiy holatlarni keltirib chiqaradigan sabab va shart-sharoitlarni bartaraf etish yuzasidan profilaktik tadbirlarni amalga oshirish.
5. Ushbu Yo‘riqnomada quyidagi tushunchalar qo‘llaniladi:Korrupsiyaviy xavf-xatarlarni tahlil qilish – korrupsiyaga oid xavf-xatarlarni aniqlash maqsadida davlat organlari (tashkilotlari)da o‘tkaziladigan ma’lumotlarni yig‘ish, umumlashtirish, tahlil qilish va baholash (keyingi o‘rinlarda – tahlil) bilan bog‘liq faoliyat; rejali tahlil – davlat organi (tashkiloti) rahbarining buyrug‘i bilan tasdiqlanadigan ish rejaga muvofiq korrupsiyaviy xavf-xatarlarni aniqlash bo‘yicha o‘tkaziladigan tahlil; rejadan tashqari tahlil – davlat organi (tashkiloti) tomonidan qonun hujjatlarida nazarda tutilgan tartibda va holatlarda amalga oshiriladigan ish rejasida ko‘rsatilmagan korrupsiyaviy xavf-xatarlarni aniqlash bo‘yicha o‘tkaziladigan tahlil kabi bandlariga amal qilingan holda turli tadbir hamda davra suhbatlari o'tkazilib kelinmoqda.
