Korrupsiya botqog’iga botgan amaldorlar jamiyat taraqqiyotiga g’ov bo’lib, umri xalqqa xiyonat qilish, yosh avlod ongini zaharlash bilan o’tishini barchamiz yaxshi tushunamiz Talaba-yoshlarni bu illatdan ogoh qilish maqsadida Buxoro davlat universiteti Filologiya fakulteti tyutori Zulfiyeva Kamola Kurbonovna tomonidan 6-4 UZB 21 guruh talabalari ishtirokida “Korrupsiya balosidan ogoh bo'ling” mavzusida davra suhbati o‘tkazildi. Ushbu davra suhbatida jamiyatda, ayniqsa, yosh avlod kamolga yetadigan oliy taʼlim muassasalarida korrupsiya balosiga mutlaqo yoʻl qoʻyib boʻlmasligi, bu illatni tag-tomiri bilan yoʻqotish zarurligi haqida atroflicha soʻz yuritildi.
Aytish joizki, korrupsiyaga qarshi kurash borasida huquqiy madaniyatni yuksaltirish, poraxo’rlik, ta’magirlik kabi huquqbuzarliklarni aniqlash va ularga chek qo’yish, bunday jinoyatlarga qarshi jazo muqarrarligini har bir shaxs bilishi zarur. Korrupsiya balosining naqadar mudhish illat ekanini tushungan, uni ongli ravishda idrok etgan odam bu jinoyatga qo’l urmaydi. Korrupsiya balosidan qutulish, islohotlarni uning changalidan qutqarish sharafli burchimiz ekanligini hamma birdek tushunmogʻi shart. Aks holda, oʻziga tegishli xulosa chiqarmay, poraxoʻrlik va tamagirlikdan tiyila olmayotgan shaxslar jazoga tortilishi muqarrar!
