Iqtisodiyot va turizm fakulteti 3-1IQT-22 guruh talabalari bilan tyutor N.M.Toyirova tomonidan “Biz ta’limda korrupsiyaga qarshimiz” mavzusida davra suhbati tashkil qilindi. Talaba yoshlarga Korrupsiya, Jinoyat kodeksining 210-211-212-213-214-moddalari talabalarga tushuntirib berildi. Korrupsiya – shaxsning o‘z mansab yoki xizmat mavqeidan shaxsiy manfaatlarini yoxud o‘zga shaxslarning manfaatlarini ko‘zlab moddiy yoki nomoddiy naf olish maqsadida qonunga xilof ravishda foydalanishi, xuddi shuningdek bunday nafni qonunga xilof ravishda taqdim etish. Talaba-yoshlar orasidan huquqiy savodxonligi yuqori, o‘zining liderlik qobiliyatlarini namoyon eta oladigan, tengdoshlarini o‘z ortidan ergashtira oladigan talaba-o‘quvchilarni korrupsiyaga qarshi kurashishga mas’ul targ‘ibotchi talabalar biriktirilgan guruhlardan saralab olindi. "Tengdosh-tengdoshga" loyihasi targ'ib qilindi.
