Filologiya fakulteti tyutorlari M.M.Hojimurotova, Sh.N.Oripovalar hamkorligida 6-12 rus 20 va 6-13 rus 20 guruhi talabalari bilan ta'lim muassasalarida korrupsigen holatlarni oldini olish bo‘yicha "Axborot va murabbiylik soati" da " Korrupsiya - jamiyat negiziga bolta urish demakdir " mavzusida davra suhbati o‘tkazildi.
Suhbat chog‘ida talabalarga "Кorrupsiya nima?" degan savol berildi. Savolga quyidagicha javoblar berildi: “Korrupsiya” atamasi buzish pora evaziga og’dirish degan ma’noni anglatadigan lotincha “corruption” so’zidan kelib chiqqan. Qonunlarimizda bu atama shaxsning o’z mansab yoki xizmat mavqeidan shaxsiy manfaatlarini ko’zlab moddiy va nomoddiy naf olish maqsadida qonunga xilof ravishda foydalanishi sifatida ta’rif berilgan. O’z-o’zidan ayonki, davlat xizmatchilari tomonidan poraxo’rlik, mansab mavqeini suis’temol qilish bilan bog’liq jinoyatlar sodir etilishi davlat hokimiyatining obro’sizlanishiga, davlatning siyosiy, iqtisodiy va huquqiy tizimiga putur yetishiga, natijada amaldagi hokimiyatga nisbatan noroziliklarga sabab bo’ladi. Bahs-munozaralarga boy bo‘lgan davra suhbatidan talabalar o‘zlariga kerakli xulosani chiqarib oldilar.
