"Korrupsiyani oldini olish barchaning vazifasi" shiori ostida 2022-yilning 14-oktabr sanasida filologiya fakulteti tyutori Nigora Safarova o'ziga biriktirilgan 6-3 RUS-22 guruh talabalari bilan "Biz ta'limda korrupsiyaga qarshimiz!" mavzusida davra suhbati o'tkazdi.
Davra suhbatida pora berish va pora olish, o'z xizmat mavqeidan foydalangan holda pora olgan shaxs ham birdek jinoyatga qo'l urgan hisoblanishi haqida tushuntirish ishlari olib borildi. So'zga chiqqan talabalar korrupsiya davlat va jamiyat rivojiga salbiy ta’sir ko‘rsatuvchi, xalqning adolatga bo‘lgan ishonchiga jiddiy putur yetkazadigan xavf, eng yomon illatlardan biri ekanligi, korrupsiyaga qarshi qat’iyat bilan kurashish taraqqiyotimizning muhim omillaridan biri ekanligini ta’kidladilar. Bu o‘rinda korrupsiyaga nisbatan murosasizlik munosabatini shakllantirish, ijtimoiy adolat tamoyillarini ta’minlash muhimligi qayd etildi.
Bu illat bilan nafaqat huquqni muhofaza qiluvchi idoralar, balki har birimiz jiddiy kurashmog'imiz kerakligi alohida ta'kidlab o'tildi. Muloqot davomida korrupsiyaning oldini olish borasida mamlakatimizda amalga oshirilayotgan ishlar, ko‘rilayotgan chora-tadbirlar, xalqaro tashkilotlar bilan hamkorlik natijalari xususida ma’lumot berildi va talabalar o‘zlarini qiziqtirgan savollarga javob oldilar.
