Mustaqillik davrida yoshlarimizni fan, san'at, madaniyat va sport sohalarida ulkan muvaffaqiyatlarga erishishlari uchun ko'plab imkoniyatlar yaratildi. Shuning uchun hozirgi kunda o'quvchilar va talaba yoshlar o'rtasida sportni targ'ib qilish, ommaviy sportni rivojlantirish va ular o'rtasida sport musobaqalari va sport bayramlarini ommaviylashtirish dolzarb masala bo'lib hisoblanadi. O'zbekiston Respublikasi Prezidentining 2014 yil 6 fevraldagi 2124-sonli Qaroriga muvofiq “O'zbekiston Respublikasida yoshlarga oid davlat siyosatini amalga oshirishga qaratilgan qo'shimcha chora-tadbirlar” Dasturi ijrosini ta'minlash, talaba yoshlarning bo'sh vaqtini unumli o'tkazish, ularni jipslashtirish hamda sog'lom turmush tarzini targ'ib qilish maqsadida 2017 yilning 14 aprel kuni Buxoro davlat universiteti Fizika-matematika fakultetining ma'naviy-ma'rifiy ishlar rejasiga asosan fakultet talabalari o'rtasida “100 metrga yugurish” sport musobaqasi o'tkazildi. Xususan, fakultetda musobaqa dasturi ishlab chiqildi hamda tasdiqlandi. Musobaqada fakultetning 3 ta yo'nalish bo'yicha tahsil olayotgan talabalari ishtirok etishdi. Musobaqa natijalariga ko'ra Fizika ta'lim yo'nalishi 3-bosqich talabasi Rahmonov O'lmas 1-o'rinni, Fizika ta'lim yo'nalishi 4-bosqich talabasi Xasanov Shohruh 2-o'rinni, Matematika ta'lim yo'nalishi 3-bosqich talabasi Davronov Javlon 3-o'rinni egalladi. Musobaqaning yopilish marosimida musobaqada faol ishtirok etib, yaxshi natijalarga erishgan talabalarga minnatdorchilik bildirilib, g'olib talabalar faxriy yorliq va estalik sovg'alari bilan taqdirlandi.
