Shamol soʻzlari
Mayin esgan shamol sochlarim silab,
Yonimda oʻtganda asta shivirlar.
Bus-butun baxtlarni bir menga tilab,
Maʻyus yuzimdan oʻpib piqirlar.
Der: "Yuzingni hech qilmagin nam,
Sarv qadding boʻlmasinda xam,
Hech kimdan emassan sen kam,
Bu soʻzlarni aytdimda men ham".
Yig'laganim sezgandek goʻyo ,
Der: "Dunyoda eding-ku tanho,
Orzularing boʻldimi roʻyo?
Taslim boʻlib qolding-ku goho!
Jim barini ichimga yutdim,
Hamma soʻzlarin unutdim,
Shamol tinishin alam-la kutdim,
Barcha orzularim sandiqqa tutdim.
Mayin esgan shamol sochimni silab,
Mudom menga qarab asta kuladi.
Barcha orzularim roʻyobin tilab,
Qalbdagi gardlarni butkul yuvadi.
BuxDU Filologiya fakulteti 2-bosqich talabasi Oʻgʻiloy Tuyboyeva
