#Talabalar_ijodidan
#Tabiiy_fanlar
Dunyolarga sigʻmay sevardim seni,
Ammo, sevgim bo'ldi buncha be qadir.
Hijron sharobini ichib entikib,
Chidolmasdan qoldi, yurak be sabr.
Men oʻzimcha mag'rur sen ham g'ururli,
Topildi turli xil bohonalar ham.
Sevgini - armonning qabriga ko'mgan,
Biz kabi eng yaqin begonalar kam...
Otashin tuyg'ular topdi nihoya,
Rashking olovi ham so'ndi oxiri.
Sensizlikda qolgan ko'ngil bechora,
Nochor yolg'izlikka ko'ndi oxiri.
Na orzular qoldi, na biror umid,
Shundayin sevgimiz uchdiyu ketti.
Ayriliq ekanda oxirgi bekat,
Taqdirlar adashmay manzilga yetdi.
Holimizga qara biz qanday edik?
Bugunchi ortga ham qaramay kettik.
Yolg'on bohonalar bilan ovunib,
Orzulardan kechib, ishqni tark ettik.
Hatto oʻzimizni aldab yuribmiz,
Yaxshilikka yo'yib bugun borini.
Yana bir qaqshatqich sinovdan o'ttik,
Eshitmay, tinglamay yurak zorini.
Yonimizda turar endi o'zgasi,
Nahotki shu edi bizlar kutgan baht?
Nima kamlik qildi ikkalamizga?
Kutish kerak bo'lsa yetar edi vaqt...
Qaydan izlay axir dard davosini,
Koshki, bir lahzaga tinchlansa olam.
Alamimni sochsam titraydi zamin,
Samolarga yetar dildagi nolam.
Ko'nib yashaymizda taqdir amriga,
To'rt besh kunlik umr o'tmay qolmaydi.
Ammo qiyomatda yuzma-yuz bo'lsak,
Ikkimizga jazo yetmay qolmaydi...
✍️ ALIJON YO'LDOSHEV TABIIY FANLAR FAKULTETI 2-1EKOKT-22 TALABASI
