#Talabalar_ijodidan
#Tabiiy_Fanlar
Kulaman, kulib o'laman.
Shodlikdan quvonib sarmast kulaman,
O'zimdan o'tganin o'zim bilaman,
Siqilib yashashdan nima foyda bor,
Bir kuni shundayin kulib o'laman.
Odamlarga gap bo'lsa bo'lgani,
Ha desa ortingdan g'iybat qilgani,
Allohga havola endi qolgani,
Bir kuni shundayin kulib o'laman.
Kim nimalar desa desin mayliga,
Do'st bo'lish istasa kelsin mayliga,
Meni nodon deya bilsin mayliga,
Bir kuni shundayin kulib o'laman.
Kecha telba edim misli devona,
G'am anduhlar endi menga begona,
Oldimdagi maqsad bitta yagona,
Bir kuni shundayin kulib o'laman.
Ishoning unutdim tashvishlarimni,
Behuda to'kmayman ko'z yoshlarimni,
Chetga surib qo'ydim shu ishlarimni,
Bir kuni shundayin kulib o'laman.
Dard kelsa yengaman yana kulgancha,
Kulaman, kulaman kuchim qolgancha,
Kulguni asrayman qo'ldan kelgancha,
Bir kuni shundayin kulib o'laman.
Hayot qonuniga qilmay rioya,
Sokin tuyg'ularim topdi nihoya,
Menga bir bohona bo'lsa kifoya,
Bir kuni shundayin kulib o'laman.
Kulaman dunyoning ustidan to'yib,
Alamli kunlarning bag'rini o'yib,
Taqdirda borini kulguga yo'yib,
Bir kuni shundayin kulib o'laman.
Son-sanoqsiz shuncha odam ichida,
Hali ko'rasizda bitta bo'laman.
Kunni ham tunni ham kulib o'tkazib,
Bir kuni shundayin kulib o'laman.
Tug'ulganda yig'lab tug'ular inson,
Do'stim endi doim kulaman ishon,
So'ngi nafasda ham bo'lsa bir imkon,
Bir kuni shundayin kulib o'laman.
✍️ ALIJON YO'LDOSHEV Tabiiy Fanlar Fakulteti 2-1EkoKT-22 Talabasi
