Toshkent Arxitektura va qurilish instituti rektori R.R.Hakimov, shuningdek Buxoro davlat universiteti rektori A.A.To’laganov va Germaniyaning Potsdam ixtisoslashgan instituti prezidenti Eva Shmit – Rodermundlar hamkorlik memorandumini imzoladilar.
Yuqoridagi OTM lar turli loyihalar doirasida 20 yildan ortiq davrni qamrab olgan kooperaciyaga ega. Shuning negizida 2013 yilda tuzilgan Arxitektura va qurilish sohasiga doir “O’zbek - Nemis markazi”ni misol qilish mumkin. “O’zbek - Nemis markazi” ish faoliyati doirasida OTM lar ta’lim, malaka oshirish, ilmiy tadqiqot va madaniy almashinuv sohalarini o’z ichiga olgan yangi intensiv hamkorlikni ko’zda tutmoqdalar. Ya’ni o’qitish va tadqiqot ishlarini kuchaytirish maqsadida ta’lim oluvchilar va xodimlar almashinuvi yo’lga qo’yiladi. Bu barcha ta’lim yo’nalishlarida (bakalavr, magistratura, doktorlik va PhD) Xalqaro almashinuv dasturi «Erasmus» doirasida olib boriladi. Madaniy almashinuv chet tillarni o’rganishni yanada chuqurlashtiribgina qolmay, hamkorligimizni yangi bosqichga ko’taradi.
Endi birgalikda tashkil etiladigan o’quv kurslari har ikki davlatda tan olinadi. Ortiqcha xarajatlardan cheklanish maqsadida zamonaviy muloqot imkoniyatlari (videokonfrenciya) lardan keng foydalaniladi. Qolaversa arxitektura, qurilish muhandisligi, madaniy va tarixiy yodgorliklarni saqlab qolish, shu bilan birga qayta ta’mirlash, konservaciyalash kabi mavzularni o’z ichiga olgan amaliy va ilmiy tadqiqot loyihalari birgalikda amalga oshiriladi.
Kelgusida Toshkentda Potstdam ixtisoslashgan institutining Toshkent filialini ochish ham rejalashtirildi. Shunikdek, TAQI 2013 yilda ikki davlat qonunlariga muvofiq tuzilgan va Germaniyada akreditaciyadan o’tkazilgan nemis - o’zbek magistratura qo’shma dasturi qayta yo’lga qo’yiladi.
Albatta, o’qishni muvoffiqiyatli tugatish uchun ta’lim oluvchilar etarli til ko’nikmasiga ega bo’lishlari kerak. SHu maqsadda 2019 yilning sentyabridan sertifikat beradigan nemis tili tayyorlov kurslari faoliyat boshlaydi. Hamkorlar ona tilisi nemis tili bo’lmagan ta’lim oluvchilarning nemis tilidagi bilim darajasini yuqori bo’lishi o’quv samaradorligini ta’minlashini ta’kidladilar. SHunga yarasha o’quv dasturlarini takomillashtirishni Potsdam ixtisoslashgan instituti o’z zimmasiga oldi.
Kelishuvlar bisyor. Ular ketma - ketlikda amalga oshirib boriladi. Hamkorlarning keyingi uchrashuvi joriy yilning bahorida Toshkentda bo’lib o’tadi.
