Buxoro davlat universitetiga Yapon tili va adabiyoti milliy institutining Ilmiy tadqiqotlarni rivojlantirish boshqarmasi boshlig‘i Kumiko Tansho xonim hamda mazkur ilmiy tadqiqot institutining Nazariya va tipologiya bo‘limi professori Prashant Pardeshi tashrif buyurishdi. Universitetning xalqaro hamkorlik bo‘yicha prorektori Abror Jo‘rayevning Kumiko Tansho xonim bilan uchrashuvida mehmonga BuxDU haqida ma'lumotlar berildi. Tansho xonim o‘z instituti yapon tili bo‘yicha ilmiy tadqiqotlar olib boruvchi asosiy muassasa ekanligini ta'kidlagan holda, boshqa tillar bilan solishtirma tahlillar olib borilishini, ushbu yo‘nalishda qiziqish mavjud bo‘lsa, ilmiy hamkorlik qilish mumkinligini bildirib o‘tdi.
Kumiko Tansho xonim universitet kutubxonasida ham bo‘lib, noyob qo‘lyozmalar kolleksiyasi bilan ham tanishdi. Azalshoh Hamroyev tomonidan mehmonga ushbu qo‘lyozmalar hamda ular bo‘yicha yaratilgan katalog haqida atroflicha ma'lumot berib o'tdi. Shuningdek, "Qatag‘on qurbonlari muzeyi" ham yaponiyalik mehmonda katta taassurot qoldirdi.
Prorektor A.Jo‘rayevning professor Prashant Pardeshi bilan uchrashuvida ham ilmiy hamkorlik masalalari muhokama qilindi. Professor Pardeshining ma'lum qilishicha, u rahbarlik qiluvchi bo‘limda 20 nafardan ortiq tadqiqotchi faoliyat ko‘rsatib, jahon tillari, shu jumladan turkiy tillar guruhiga kiruvchi tillarning yapon tili bilan solishtirma va qiyosiy tahlili borasida izlanishlar olib borishadi. Ushbu yo‘nalishlarga qiziquvchi tadqiqotchilar bilan ishlash imkoniyati muhokama qilindi.
Prorektor A.Jo‘rayevning professor Prashant Pardeshi bilan uchrashuvida ham ilmiy hamkorlik masalalari muhokama qilindi. Professor Pardeshining ma'lum qilishicha, u rahbarlik qiluvchi bo‘limda 20 nafardan ortiq tadqiqotchi faoliyat ko‘rsatib, jahon tillari, shu jumladan turkiy tillar guruhiga kiruvchi tillarning yapon tili bilan solishtirma va qiyosiy tahlili borasida izlanishlar olib borishadi. Ushbu yo‘nalishlarga qiziquvchi tadqiqotchilar bilan ishlash imkoniyati muhokama qilindi.
Professor Pardeshi Yaponiyada o‘zbek tilini o‘rganuvchilar uchun tayyorlangan kitobni namoyish etdi.
Ham quvonarli, ham qiziq tomoni shundaki, mazkur kitobning asosiy bo‘limlaridan birida davlat tuzilishi hamda ta'lim tizimiga tegishli so‘zlarni o‘rganishga misol tariqasida aynan "Buxoro davlat universiteti" so‘z birikmalari keltirilgan ekan. Professor Prashant ushbu holat Yaponiya ilmiy va ta'lim sohasi doiralarida Buxoro tarixi hamda BuxDUning ta'lim sohasiga, xususan yapon tilini o‘rganishga qo‘shgan hissasi haqida ma'lumotlar borligi bilan izohladi.
