19.03.2026

Assalomu alaykum, Buxoro davlat universitetida faoliyat olib borayotgan aziz ustozlar, talaba-yoshlar va hurmatli hamkorlar!

Sizlarni kirib kelayotgan bahor nafasi, yangilanish va yasharish ramzi bo‘lgan Navro‘z ayyomi bilan samimiy muborakbod etaman.

Navro‘z — bu mehr-oqibat, bag‘rikenglik va ezgulik bayramidir. Ushbu qutlug‘ ayyom har bir xonadonga fayzu baraka, qalblarga quvonch va umid olib kiradi. Ayniqsa, ilm-fan va ta’lim maskani bo‘lgan universitetimiz jamoasi uchun bu bayram yangilanish, yangi marralar sari dadil qadam tashlash ramzidir.

Bugungi kunda mamlakatimizda yoshlarga yaratilayotgan keng imkoniyatlar, ta’lim tizimidagi islohotlar siz, aziz talabalarimizning bilimli, tashabbuskor va yetuk mutaxassis bo‘lib voyaga yetishingizga xizmat qilmoqda. Ishonamanki, sizlar bu ishonchni oqlab, yurtimiz ravnaqiga munosib hissa qo‘shasiz.

Hurmatli jamoa a’zolari! Sizlarning fidokorona mehnatingiz, ilm yo‘lidagi izlanishlaringiz va yosh avlod tarbiyasiga qo‘shayotgan hissangiz tahsinga loyiq.

Yana bir bor barchangizni Navro‘z bayrami bilan chin qalbimdan tabriklab, sizlarga sihat-salomatlik, oilaviy baxt, tinchlik-osoyishtalik va ulkan zafarlar tilayman!

Navro‘z muborak bo‘lsin!

Hurmat bilan,
O'zLiDeP Buxoro viloyati Kengashi raisi, Xalq deputatlari viloyat Kengashi deputati, Xalq deputatlari viloyat Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi, Buxoro davlat universiteti rektori, iqtisodiyot fanlari doktori, professor