2019 йил 5 октябрь куни Бухоро давлат университетида мустақил изланувчи Мардиев Тўлқин Кулибаевичнинг 10.00.06 – Қиёсий адабиётшунослик, чоғиштирма тилшунослик ва таржимашунослик ихтисослиги бўйича “Инглиз ва ўзбек тилларида инсон туйғулари ифодаланишининг концептуал таҳлили”мавзусида филология фанлари бўйича фалсафа доктори (PhD), Ғайбуллаева Нафиса Изатуллаевнанинг 10.00.01 – Ўзбек тили ихтисослиги бўйича “Ўзбек тилида эвфемизмлар (тиббий даврий нашр материаллари асосида)” мавзусида филология фанлари бўйича фалсафа доктори (PhD) илмий даражасини олиш учун тайёрлаган диссертация муҳокамалари бўлиб ўтди. Диссертация муҳокамасини БухДУ илмий ишлар ва инновациялар бўйича проректор О.С. Қаҳҳоров кириш сўзи билан очиб берди. Семинар кўтаринки руҳда ташкил қилинди.Шунингдек, савол-жавоблар ва баҳс-мунозараларга бой бўлган мазкур семинарда ҳар иккала тадқиқотчининг ишлари Илмий семинар аъзолари томонидан Илмий кенгаш муҳокамасига тавсия етилди, ҳар иккала тадқиқотчиларни табриклаб, ютуқлари бардавом бўлишини тилаб қоламиз.
