2021-yilning 25-iyun sanasida “Yangi Oʼzbekiston yoshlari, birlashaylik!” harakati ostida viloyatimizda keng miqyosda oʼtkazilayotgan “Yoshlar festivali” doirasidagi Viloyat hokimi tomonidan Buxoro davlat universiteti huzuridagi Biznes akseleratorda viloyatdagi oliy taʼlim muassasalari talabalari oʼrtasida Innovatsion loyihalar tanlovi tashkil etildi.
Tanlovning umumiy sovrin jamgʼarmasi 100,0 mln. soʼmni tashkil etdi. Tanlovda “Xizmat koʼrsatish sohalari va turizmni rivojlantirish”, “IT texnologiyalar”, “Tibbiyot”, “Fan va taʼlim”, “Qishloq va suv xoʼjaligi hamda oziq-ovqat sanoatini rivojlantirish”, “Energetika va sanoat tarmoqlarini rivojlantirish”, “Ekologiya va atrof muhit muhofazasi” yoʼnalishlarida viloyatdagi barcha oliy taʼlim muassasalaridan 69 nafar, Buxoro davlat universitetidan 46 nafar iqtidorli talaba va magistrlar ishtirok etishdi.
Tanlov yakunida viloyatdagi OTMning 15 nafar talabalari gʼoliblikni qoʼlga kiritishdi. Jumladan, 5 nafar talaba 10,0 mln. soʼm va 10 nafar talaba 5,0 mln. soʼm miqdoridagi sertifikatlarni Buxoro viloyati hokimi Botir Zaripovdan qabul qilib olishdi. Yuqoridagi gʼolib talabalarning
8 nafari Buxoro davlat universiteti talabalari hisoblanishadi. 8 nafar gʼolib talabaning 3 nafari 10,0 mln. soʼmlik, 5 nafari 5,0 mln. soʼmlik sertifikatlar bilan taqdirlanishdi.
Oʼzbekiston Respublikasi Prezidenti tashabbusi bilan tashkil etilgan "Oʼzbekiston uchun 100 gʼoya" tanlovining hududiy bosqichida universitetning quyidagi iqtidorli talabalari:
1. Filologiya fakulteti talabasi Teshayeva Marjona tanlovning "Ilm-fan, taʼlim va sogʼliqni saqlash" yoʼnalishi boʼyicha oʼzining Maktabgacha taʼlim tizimida oʼzbek tilini oʼqitishning intensiv metodi “Dono bola” nomli platforma dasturi orqali Buxoro viloyati miqyosida 17,8 ball bilan;
2. Buxoro davlat universiteti tayanch doktoranti Sobirova Dilnoza tanlovning "Ilm-fan, taʼlim va sogʼliqni saqlash" yoʼnalishi boʼyicha oʼzining "Oʼzbek tili neologizmlari lugʼati va uning mobil ilovasini yaratish" loyihasi orqali Buxoro viloyati miqyosida 16,8 ball bilan;
3. Xorijiy tillar fakulteti talabasi Olimova Xadichabonu tanlovning "Ilm-fan, taʼlim va sogʼliqni saqlash" yoʼnalishi boʼyicha oʼzining "One day for my child" nomli platforma dasturi orqali Buxoro viloyati miqyosida 23 ball bilan;
4. Axborot texnologiyalari fakulteti talabasi Farmonov Sunnatullo tanlovning "Ilm-fan, taʼlim va sogʼliqni saqlash" yoʼnalishi boʼyicha oʼzining "Vr-classroom" nomli loyihasi orqali Buxoro viloyati miqyosida 16,3 ball bilan;
5. Iqtisodiyot va turizm fakulteti talabasi Zokirova Manzura tanlovning "Sport va turizm" yoʼnalishi boʼyicha oʼzining "Maktab bolalari uchun ekskursion byuro" nomli loyihasi orqali Buxoro viloyati miqyosida 16 ball bilan;
6. Axborot texnologiyalari fakulteti talabasi Gʼulomov Ulugʼbek tanlovning "Davlat xizmatlarini rivojlantirish" yoʼnalishi boʼyicha oʼzining "Online hujjatlar" nomli loyihasi orqali Buxoro viloyati miqyosida 24,5 ball bilan;
7. Fizika-matematika fakulьteti talabasi Nekboyev Muxiddin tanlovning "Ilm-fan, taʼlim va sogʼliqni saqlash" yoʼnalishi boʼyicha oʼzining "Int42H" nomli loyihasi orqali Buxoro viloyati miqyosida 10,5 ball bilan;
8. Fizika-matematika fakulteti talabasi Poʼlatov Sherzod tanlovning "Ilm-fan, taʼlim va sogʼliqni saqlash" yoʼnalishi boʼyicha oʼzining "Arduino platformasi oʼquv uskunalarining labaratoriya stendi" nomli loyihasi orqali Buxoro viloyati miqyosida 15 ball bilan;
9. Fizika-matematika fakulteti talabasi Jamolov Oʼtkir tanlovning "Qishloq xoʼjaligi, irrigatsiya va agro-texnologiyalari" yoʼnalishi boʼyicha oʼzining "Qishloq xoʼjaligida quyosh joylashishini kuzatadigan mini quyosh elektrostansiyalari qurish" nomli loyihasi orqali Buxoro viloyati miqyosida 16 ball bilan;
10. Pedagogika fakulteti talabasi Qamarova Zarina tanlovning "Ilm-fan, taʼlim va sogʼliqni saqlash" yoʼnalishi boʼyicha oʼzining "Quyoshli bolalar" loyihasi orqali Buxoro viloyati miqyosida 25 ball bilan gʼoliblikni qoʼlga kiritib, tanlovning Respublika bosqichiga yoʼllanmani qoʼlga kiritdi.
2021-yilning 19-dekabr kuni Oʼzbekiston Prezidenti Prezidenti tashabbusiga koʼra ilgari surilgan hamda Yoshlar ishlari agentligi, IT-Park va Innovatsion rivojlanish vazirligi bilan hamkorlikda tashkil etilgan “Oʼzbekiston uchun 100 gʼoya” loyihasi yakuniga yetdi. “Oʼzbekiston uchun 100 gʼoya” loyihasining Respublika bosqichi doirasida 245 ta loyihalar taqdimoti boʼlib oʼtdi. Ular orasida eng ilgʼor 100 nafar yoshlar gʼolib deb topildi va ularning har biriga 10 million soʼm mablagʼ mukofot tarzida ajratildi. Quvonarlisi, universitetning Fizika-matematika fakulteti talabalari Nekboyev Muxiddin va Jamolov Oʼtkir gʼoliblar safidan joy olishdi. Gʼoliblar oʼz gʼoyalarini hayotga tatbiq etish imkoniyatini qoʼlga kiritdilar hamda maxsus “Oʼzbekiston uchun 100 gʼoya” albomida oʼrin egallashdi
