“Sog`lom bola yili” Davlat dasturi asosida qator tadbirlar amalga oshirib kelinmoqda. Mazkur davturning II yo`nalish 13-bandiga asosan universitet talaba-yoshlari orasida oilada o`zaro hurmat va mehr- muhabbat muhitini, yuksak axloqiy va ma’naviy qadriyatlarni shakllantirishga bag`ishlab qator tadbirlar belgilandi va amalga oshirib kelinmoqda. Jumladan, fuqorolik ishlari bo`yicha Buxoro viloyat sudi hamda Advokatlik byurosi bilan hamkorlikda Pedagogika fakultetida “Oila – jamiyatning muhim bo`g`ini” mavzusida uchrashuv va davra suhbati o`tkazildi. Ushbu tadbirda universitet Ma’naviy-ma’rifiy ishlar bo`yicha prorektori A.M.Qodirov, fakultet dekani Sh.R.Barotov, fuqorolik ishlari bo`yicha Buxoro viloyat sudi raisi M.M.Tojiboyev, Buxoro shahar “A.Nasriyev” Advokatlik byurosi rahbari A.R.Nasriyev, Boshlang`ich ta’lim va sport, tarbiyaviy ish yo`nalishidagi 3 “A,B,V,I” guruh talabalari va guruh murabbiylari ishtirok etdi. Tadirda so`z olgan fuqorolik ishlari bo`yicha Buxoro viloyat sudi raisi M.M.Tojiboyev: - Oilaning jamiyatimizda tutgan o`rni qanday bo`lishi kerak degan savolga javob berishdan boshlaymiz. Bizning respublikamizda oila muqaddas qo`rg`on hisoblanadi. Oilaning jamiyatimizda tutgan o`rni katta va muhim salohiyatga ega. Xo`sh, nima uchun? Har bir oila alohida davlat hisoblanadi. Unda o`sayotgan yosh avlod o`z oila qo`rg`onini ya’ni, Vatanini ham asrab-avaylashni o`zida singdirib boradi. Buning uchun shu oilani tashkil qiladigan ota va ona ma’naviy, ruhiy, jismoniy jihatdan sog`lom bo`lishi shart. Ular bir-birini tushunishi, asrashi va hurmat qilishi kerak bo`ladi. Oila qo`rg`onini muqaddas bilib asray olgan, unda sog`lom muhit yaratib, farzand tarbiyalay olishga qodir ota-onagina yurtiga munosib avlodlarni o`stiradi. Biz uylaymizki, sizlar kelajakda oliy ma’lumotli bo`lib, ham ma’nan, ham ruhan, ham jismonan sog`lom bolalarni tarbilashda o`z hissangizni qo`shasiz degan umiddaman, deya talabalarni bo`lajak murabbiy sifatida kelajak avlodni tarbiyasiga alohida e’tibor qaratishlarini so`radi. Tadbir so`ngida talabalar tomonidan mutaxassislarga savollar berildi va etarli darajada ulardan javoblar olindi.
