O`ZBEKISTONIM Huv tog`da ertakka aylangan dunyo,Ertaklar aytadi menga momo yer.Tog`larning tarixga bog`langan sehri,“Ol mana o`tmishim ko`ravergin”- der. Ko`rgan bog`lab qo`lin sukunatga jim,Yerga cho`kka tushgan ulkan osmonni.O`tmishga boqaman bo`lib kelajak,Men shunday sevaman O`zbekistonni. Sevaman-sevaman berib jonimni,Hatto toshlarini olib quchoqqa.Dilimga maktublar bitaman o`yib,Mehrimni beraman ona tuproqqa. Ko`kka ko`taraman chiqib ko`klarga,O`zbekning nomini – bu sharaf-shonim.O`lguncha umrimni etgum baxshida,Bu mening Vatanim – O`zbekistonim. YAXSHILAR Zulmatni to`ldirib kelar ziyoga,Yaxshilik urug`in separ dunyoga,Eng yaqin insondir ular xudoga,Yaxshilikni yaxshi ko`rgan yaxshilar. Ko`zlarida yotar ezgulik nuri,Bepoyon osmondan baland g`ururi,Maqtanmas, maqtanchoq emas hech biri,Yaxshilikni yaxshi ko`rgan yaxshilar. To`lqinli so`zidan to`lin oy karaxt,Ular qalb bog`boni, yaxshilik - daraxt,Mehr bulog`idan suv ichar har vaqt,Yaxshilikni yaxshi ko`rgan yaxshilar. Ming xil dovonlarga kelsangiz duchor,Qo`llardan yaxshiyam tutguvchilar bor.Dil saltanatiga erurlar sardor,Yaxshilikni yaxshi ko`rgan yaxshilar. O`zgalar-chun umr yo`lin bag`ishlar,Kuylasinlar shundaylarni baxshilar,Vayron bo`lgan qalb ko`chasin yaxshilar,Yaxshilikni yaxshi ko`rgan yaxshilar. USTOZLARIMGA Yillar bir tekisda to`xtamay o`tar,Siz bergan saboqlar qalbimda yotar.Bizni hali zamon kelajak kutar,Sizdan minnatdorman mo`tabar ustoz. Misli ko`rilmagan tush edim ustoz,Bitta qanoti yo`q qush edim ustoz,Meni shay qildingiz etishga parvoz,Sizdan minnatdorman mo`tabar ustoz. Bilim bulog`idan sug`ordingiz siz,Poyingizga kelib cho`kadirman tiz,O`n sakkiz murg`akning nomidan shaksiz,Sizdan minnatdorman mo`tabar ustoz. Sizni kuylashimga ovozim yetmas ,Ta’rif aylashimga qog`ozim yetmas,Javlon shogirdingiz sira unutmas,Sizdan minnatdorman mo`tabar ustoz. Нурқулов Жавлон Рашид ўғли- БухДУ Филология факультети Немис тили йўналиши 2-босқич талабаси
