Buxoro davlat universiteti nomidan
Hurmatli Rafael Nektalov, The Bukharian Times gazetasi bosh muharriri,
Buxoro davlat universitetida o‘tkazilgan xalqaro ilmiy-amaliy konferensiya jarayonlari va uning yakunlari “The Bukharian Times” gazetasining 2026-yil 5–11-mart sonida keng va atroflicha yoritilgani uchun Sizga samimiy minnatdorlik bildiramiz. Mazkur nashrda konferensiyaning ilmiy, tarixiy hamda madaniy ahamiyati chuqur tahlil etilgani, Buxoro zaminining bag‘rikenglik va madaniyatlararo muloqot markazi sifatidagi o‘rni alohida e’tirof etilgani universitet jamoasi uchun yuksak e’tibor va hurmat ifodasidir. Ayniqsa, xalqaro delegatsiya ishtiroki, o‘zaro hamkorlik istiqbollari hamda ikki mamlakat o‘rtasidagi iqtisodiy va madaniy aloqalarni rivojlantirishga qaratilgan tashabbuslarning ommaviy axborot vositasida keng targ‘ib etilishi muhim ahamiyat kasb etadi. Siz boshchiligingizdagi tahririyat jamoasining mazkur konferensiyani xolis, professional va yuqori saviyada yoritgani universitetimiz nufuzini xalqaro miqyosda yanada mustahkamlashga xizmat qilmoqda. Shuningdek, konferensiyani tashkil etishda va unda faol ishtirok etgan barcha hamkorlar, ma’ruzachilar hamda tashkilotchilarga ham chuqur minnatdorlik izhor etamiz. Ishonamizki, kelgusida ham o‘zaro ilmiy va axborot hamkorligimiz izchil davom etadi.
Hurmat bilan,
Buxoro davlat universiteti rahbariyati.
