Buxoro davlat universitetida doktorantlar bilan uchrashuv bo‘lib o‘tdi. Tadbirda universitet rektori, rahbariyat vakillari va mas’ul xodimlar ishtirok etib, doktorantlarning ilmiy faoliyatini qo‘llab-quvvatlash, ilmiy izlanishlar samaradorligini oshirish, mavjud muammolarni hal etish va yangi imkoniyatlarni kengaytirish borasida fikr almashdilar.
Uchrashuv davomida doktorantlar o‘zlarini qiziqtirgan savollarni berib, ilmiy faoliyatda yuzaga kelayotgan ayrim masalalarni muhokama qilishdi. Rektor va rahbariyat vakillari esa ularning har biriga alohida e’tibor qaratib, qo‘llab-quvvatlashini ta’kidladilar. Bunday muloqotlar ilmiy muhitni yanada rivojlantirish, yosh olimlarning salohiyatini yuzaga chiqarish va universitetimizda ilmiy izlanishlar samaradorligini oshirishga xizmat qiladi.
