Buxoro davlat universiteti vakillari Sharof Rashidov nomidagi Samarqand davlat universitetiga tashrif buyurib, ilm-fan va innovatsiyalar makonidagi yangiliklar bilan tanishdilar.
Tashrif davomida Raqamli ta’lim texnologiyalari departamenti xodimlari universitetning sun’iy intellekt va kiberxavfsizlik yo‘nalishlariga ixtisoslashgan zamonaviy amaliy laboratoriyalarini ko‘zdan kechirdilar hamda ushbu sohalarda erishilgan yutuqlar bilan yaqindan tanishdilar.
Ikki oliygoh vakillari o‘zaro tajriba almashib, raqamli ta’limni rivojlantirish, intellektual texnologiyalarni o‘quv jarayoniga joriy etish masalalarini, shuningdek, istiqboldagi qo‘shma loyihalar va hamkorlik yo‘nalishlarini muhokama qildilar.
Mazkur tashrif ikki universitet o‘rtasidagi ilmiy-amaliy hamkorlikni yanada mustahkamlab, yangi g‘oyalar, innovatsion tashabbuslar va uzoq muddatli hamkorlik aloqalariga zamin yaratdi.
